Батанічны сад Падуі

Батанічны сад (Orto Botanico; «Орта-Батаніка») у Падуі — найстарэйшы ў свеце нязменна дзеючы батанічны сад. Заснаваны ў 1545 годзе рашэннем Венецыянскага Сената з мэтай гадавання «лячэбнай травы» для медыцынскага факультэта Падуанскага ўніверсітэта.

Батанічны сад у Падуі*
Botanical Garden (Orto Botanico), Padua**
Сусветная спадчына ЮНЕСКА
Краіна	Італія
Тып	Культурны
Крытэрыі	ii, iii
Спасылка	824
Рэгіён***	Еўропа і Паўночная Амерыка
Каардынаты	45°23′56″ пн. ш. 11°52′50″ у. д.
Гісторыя ўключэння
Уключэнне	1997  (21 сесія)
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА

Першапачатковы праект арганізацыі садовай тэрыторыі, як лічыцца, распрацаваў венецыянскі патрыцый Даніэле Барбара. Сад з самага пачатку быў абнесены ад злодзеяў сцяной па мадэлі hortus conclusus. Чатыры брамы незвычайнай формы, з акратэрыёнамі ў выглядзе ананасаў, былі дабудаваны ў 1704 годзе.

Асноўныя будынкі таксама набылі свой цяперашні від у XVII—XVIII стст. У гэты перыяд у садзе адбыліся добраўпадкаванні накшталт уладкавання фантанаў, якія сілкаваліся ад колавага гідрафора, і трох сонечных гадзіннікаў. Тады ж у Орта-Батаніка з'явіліся мармуровыя статуі Тэафраста і Саламона.

Напачатку XIX стагоддзя былі абноўлены аранжарэі і пабудаваны «батанічны тэатр» для студэнтаў універсітэта. У наш час Орта-Батаніка займае плошчу ў 22 тыс. кв. м. і можа пахваліцца найстарэйшымі ў Еўропе экзэмплярамі магноліі і гінкга. У 1997 г. Падуанскі батанічны сад як «прататып усіх батанічных садоў» быў занесены ЮНЕСКА ў лік помнікаў Сусветнай спадчыны.

Дырэктары

• Габрыэль Фалопій
• Джакама Антоніа Картуза (1590—1603)
• Праспера Альпіні
• П'ер Андрэа Сакарда

Спасылкі

• На Вікісховішчы ёсць медыяфайлы па тэме Батанічны сад Падуі
• Старонка Орта-Батаніка Архівавана 29 кастрычніка 2010. на сайце Падуанскага ўніверсітэта