Беры-беры

Бе́ры-бе́ры (ад сінгальск.: beri — слабасць), авітаміноз В₁, або полінеўрыт аліментарны — хвароба, якая характарызуецца пашкоджаннем перыферычных нерваў, сардэчна-сасудзістай сістэмы і ацёкамі ад недастатковага паступлення ў арганізм вітаміну В₁ (тыяміну) ці парушэння яго абмену. Першасны В₁-авітаміноз сустракаецца ў краінах Паўднёвай і Усходняй Азіі, дзе насельніцтва харчуецца ў асноўным паліраваным рысам, у якім мала тыяміну і інш. вітамінаў групы B. Другасны В₁-авітаміноз бывае ад парушэння ўсмоктвання, засваення і абмену тыяміну пры хранічных хваробах тонкай кішкі, калі выключаны з ежы грубыя сарты хлеба, крупы, боб і інш., пры паскораным разбурэнні ці павышаным выкарыстанні вітамінаў групы В пры тырэатаксікозе, алкагалізме, цяжарнасці і кармленні грудзьмі, цяжкай фізічнай працы, рабоце пры нізкай або высокай тэмпературы. Лячэнне: вялікія дозы тыяміну ўнутр і ў выглядзе ін'екцый.

Беры-беры
МКХ-10	E51.1.
МКБ-10-КМ	E51.1 і E51.11
МКХ-9	265.0
МКБ-9-КМ	265.0
DiseasesDB	14107
MedlinePlus	000339
eMedicine	med/221
MeSH	D001602
Медыяфайлы на Вікісховішчы

Класіфікацыя

Адрозніваюць З формы хваробы:

• Сухая (атрафічная) форма з пераважным пашкоджаннем перыферычных нерваў (слабасць і парушэнні адчувальнасці пераважна ніжніх канечнасцяў, атрафія мышцаў)
• Вострая (вільготная) з пераважным пашкоджаннем сардэчна-сасудзістай сістэмы (агульная слабасць, бяссонніца, галаўны боль, перабоі сэрца, ацёкі і інш.)
• Дзіцячая (у асноўным груднога ўзросту), калі маці хварэюць на гэтую хваробу і ў малацэ адсутнічае тыямін (адмаўленне дзіцяці ад грудзей, страта ў масе, агульны неспакой, цяжкае дыханне, асіпласць голасу).

Спасылкі

• На Вікісховішчы ёсць медыяфайлы па тэме Беры-беры