Будынак чыгуначных кас (Мінск)

Будынак чыгуначных кас — будынак у Мінску на Прывакзальнай плошчы, знаходзіцца па адрасе вул. Бабруйская, 4. Узведзены ў 1955 годзе па праекце архітэктараў Сяргея Баткоўскага і Натана Шпігельмана.

Славутасць
Будынак чыгуначных кас
53°53′28″ пн. ш. 27°32′54″ у. д.
Краіна	Беларусь
Горад	Мінск
Архітэктурны стыль	Сталінская архітэктура
Архітэктар	Сяргей Барысавіч Баткоўскі і Нута Аўрум-Эльевіч Шпігельман
Дата пабудовы	1955 год
Статус	Гісторыка-культурная каштоўнасць Беларусі, шыфр 712Г000235
Медыяфайлы на Вікісховішчы

Архітэктура

Галоўны ўваход

Двухпавярховы прамавугольны ў плане будынак. Мае сіметрычную аб’ёмна-прасторавую кампазіцыю. У архітэктурным вырашэнні фасадаў выкарыстана ордарная пластыка. Вуглавыя часткі будынка з уваходамі на другі паверх вылучаны пілястрамі са стылізаванымі ляпнымі капітэлямі. Цэнтральная частка фасада з уваходам у касавую залу члянёна высокімі арачнымі праёмамі ў абрамленнях з замковым каменем. Міжаконныя прасценкі дэкарыраваны паўкалонамі з капітэлямі. Завершаны фасад антаблементам, карнізам з мадульёнамі. Па перыметры даху праходзіць балюстрадны парапет. Інтэр’еры ўпрыгожаны характэрным ляпным дэкорам.

Літаратура

• Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.

Спасылкі

• Будынак чыгуначных кас (Мінск) на сайце «Архіварта»