Бужумбура

Бужумбу́ра (фр.: Bujumbura) — самы вялікі горад Бурундзі, да 2019 года сталіца краіны. Насельніцтва складае каля 300 тыс. чалавек. Горад размяшчаецца на ўзбярэжжы возера Танганьіка. Бужумбура з’яўляецца эканамічным, транспартным, палітычным цэнтрам краіны. Назва «бужумбура» перакладаецца як «кірмаш, на якім гандлююць бульбай».

Бужумбура фр.: Bujumbura Краіна Бурундзі Каардынаты 3°22′57″ пд. ш. 29°21′40″ у. д. Заснаваны 1871 Першая згадка 1889 Плошча 86,54 км² Вышыня цэнтра 774 м Водныя аб’екты Возера Танганьіка Насельніцтва 374 766 чалавек (2010) Часавы пояс UTC+2 Афіцыйны сайт villedebujumbura.org (фр.) Бужумбура на карце Бурундзі

Медыяфайлы на Вікісховішчы

Бужумбура пераўтварыўся ў горад з малой вёскі пасля таго, як тут быў пабудаваны нямецкі ваенны форт у 1889 годзе. Назва горада змянілася з Усумбура на Бужумбура пасля атрымання Бурундзі незалежнасці ў 1962 годзе. Пасля гэтага горад пераўтварыўся ў месца вайсковых сутыкненняў паміж узброеннымі групоўкамі хуту і тутсі. У горадзе існуюць прадпрыемствы па вытворчасці цэменту, тэкстылю і мыла. На ўзбярэжжы возера ёсць вялікі порт, праз які ідзе імпарт краіны.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 318. — 10 000 экз. — ISBN 985-11-0035-8. — ISBN 985-11-0068-4 (т. 3).