Бюст П. І. Клімука (Брэст)
Бюст П. І. Клімука — помнік у Брэсце, размешчаны на скрыжаванні вул. Маскоўскай і бульвара Касманаўтаў. Устаноўлены ў 1978 г. ў гонар двойчы Героя Савецкага Саюза генерал-маёра авіяцыі беларускага лётчыка-касманаўта Пятра Ільіча Клімука, які нарадзіўся ў Брэсцкім раёне.
| Помнік | |
| Бюст П. І. Клімука | |
|---|---|
 | |
| 52°05′17″ пн. ш. 23°42′09″ у. д.HGЯO | |
| Краіна |
 Беларусь |
| Горад | Брэст |
| Скульптар | І. Міско |
| Архітэктар | С. Баткоўскі |
| Дата заснавання | 1979 |
| Дата пабудовы | 1979 год |
| Статус |
 Гісторыка-культурная каштоўнасць Беларусі, шыфр 112Ж000012 |
| Матэрыял | бронза і граніт |
Апісанне правіць
Аўтарамі помніка з'яўляюцца скульптар І. Міско і архітэктар С. Баткоўскі. Бронзавы пагрудны бюст касманаўта вышынёй 1,1 м устаноўлены на высокім пастаменце з чырвонага граніту, які дасягае ў вышыню 3 м. У развароце выпрастаных плячэй, павароце галавы, выразных рысах твару — рашучасць і цвёрдасць. Мундзір, выявы ўзнагарод удакладняюць характарыстыку героя. Ніз пастамента абвіты бронзавым вянком. Асіметрычны гранітны стылабат з 3 прыступкамі злева агінае бардзюр. На пастаменце рзльефная выява 2 ордэнаў Леніна і 2 медалёў «Залатая Зорка». Ніжэй накладнымі бронзавымі літарамі даецца тэкст Указа Прэзідыума Вярхоўнага Савета СССР аб узнагароджанні П. I. Клімука ордэнам Леніна і 2-м медалём «Залатая Зорка».
Спалучэнне паліраванага чырвонага граніту пастамента і стылабата з цёмнай бронзай бюста надае яму дэкаратыўны эфект і ўзмацняе яго гераічнае гучанне. Вакол разбіты газоны, раней таксама былі высаджаны дрэвы.
Літаратура правіць
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.