Бярдычы

Бярды́чы (трансліт.: Biardyčy, руск.: Бердычи) — вёска ў Брэсцкім раёне Брэсцкай вобласці. Уваходзіць у склад Чэрнінскага сельсавета. Размешчаны за 11 км на паўночны ўсход ад Брэста, 8 км ад чыгуначнай станцыі Брэст-Усходні.

Вёска Бярдычы Краіна Беларусь Вобласць Брэсцкая Раён Брэсцкі Сельсавет Чэрнінскі Каардынаты 52°10′00″ пн. ш. 23°44′54″ у. д. Насельніцтва ▲76 чал. (2009) Часавы пояс UTC+3 Тэлефонны код +375 162 Паштовы індэкс 225001 Аўтамабільны код 1 СААТА 1212850006 Бярдычы на карце Беларусі ±

У складзе камунальнага ўнітарнага сельскагаспадарчага прадпрыемства «Маладая гвардыя» (цэнтр — в. Чэрні).

Гісторыя

Паводле пісьмовых крыніц вядома з XVI стагоддзя як сяло ў Берасцейскім павеце і ваяводстве Вялікага Княства Літоўскага. У 1566 годзе ў Збірогскім войтаўстве Берасцейскага староства. У сяле налічвалася 13 жыхароў, якія мелі 15 валок зямлі. Сяляне плацілі чынш — з адной валокі 31 грош, а таксама натуральную даніну.

Пасля трэцяга падзелу Рэчы Паспалітай (1795) у складзе Расійскай імперыі, у Слонімскай, з 1797 года — у Літоўскай, з 1801 года — у Гродзенскай губернях. У 1818 годзе ў складзе казённага маёнтка Цюхінічы.

У 1905 годзе вёска і маёнтак у Косіцкай воласці Брэсцкага павета. Паводле Рыжскага мірнага дагавора 1921 года ў складзе Польскай Рэспублікі, у Косіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну акупанты спалілі 17 двароў, загубілі 32 мірных жыхароў; 3 вяскоўцы загінулі на фронце, 1 — у партызанах.

Насельніцтва

• 68 мужчын, 82 жанчыны (1818)
• 42 двары, 283 жыхары (1897)
• 298 жыхароў (вёска) і 12 жыхароў (маёнтак) (1905)
• 20 двароў, 108 жыхароў (1921)
• 58 двароў, 318 жыхароў (1941)
• 201 жыхар (1959)
• 132 жыхары (1970)
• 29 гаспадарак, 43 жыхары (2005)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх