Вадзім Мікалаевіч Бялькевіч
Вадзім Мікалаевіч Бялькевіч (нар. 21 ліпеня 1955, г. Бабруйск) — беларускі архітэктар.
| Вадзім Мікалаевіч Бялькевіч | |
|---|---|
| Дата нараджэння | 21 ліпеня 1955 (69 гадоў) |
| Месца нараджэння | |
| Альма-матар | |
| Месца працы | |
| Член у | |
Біяграфія
правіцьСкончыў архітэктурны факультэт БПІ (выкладчыкі архітэктурных дысцыплін У. А. Чантурыя, А. А. Воінаў, В. І. Кожар, С. Бяляеў, Сакалова, Я. С. Панамарова). У 1982—1986 і 1988—1991 гадах працаваў у інстытуце «Магілёўграмадзянпраект»; у 1991—1998 гадах у праектным бюро Упраўлення архітэктуры і горадабудаўніцтва; у 1996—2006 гадах аддзеле дызайну ЗАТ «Бабруйскмэбля»; у 2005—2012 гадах праектнай групе «Архі-віга»; з 2012 года ў ААТ «Аптымальнае Святло Плюс» (Мінск).
Творчасць
правіцьАсноўныя працы ў Бабруйску: інтэрнат на 250 месцаў па вул. Крылова (1985, у сааўтарстве з А. І. Нічкасавым); 77-кватэрны жылы дом па вул. Астроўскага (2009); малапавярховая блакаваная забудова па вул. Садовай (2008); рэканструкцыя былога рэстарана «Бярэзіна» (2006); рэканструкцыя будынка Праматамнагляда (2008) адміністрацыйна-гандлёвы будынак па зав. Чапаева (2010); крама харчовых тавараў па вул. Гогаля (2011); У Мінску спраектаваў фізкультурна-аздараўленчы комплекс па вул. Нававіленскай (2012, сааўтар А. А. Каролік); краму харчовых тавараў у пас. Масюкоўшчына (2013, аўтар).
Удзельнічаў у рэспубліканскіх конкурсах на праект рэканструкцыі прывакзальнай плошчы (1986, архітэктары А. І. Нічкасаў, В. М. Бялькевіч; 1 прэмія) і праект аўтавакзала ў г. Магілёве (1987, архітэктары А. І. Нічкасаў, Ю. І. Нічкасаў, А. А. Кабакоў, В. М. Бялькевіч, 1 і 3 прэмія).
Зноскі
Літаратура
правіць- Белькевич Вадим Николаевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)