Валерый Мікалаевіч Шэін

Валерый Мікалаевіч Шэ́ін (4 верасня 1937, в. Архіпа-Осіпаўка, Краснадарскі край, Расія) — беларускі гісторык журналістыкі. Кандыдат гістарычных навук (1974). Скончыў у 1964 годзе БДУ. З 1958 года працаваў на Беларускім радыё, у газеце «Зорька». З 1967 года адзін з заснавальнікаў і выкладчык кафедры тэлебачання і радыёвяшчання БДУ.

Валерый Мікалаевіч Шэін
Дата нараджэння	4 верасня 1937(1937-09-04) (86 гадоў)
Месца нараджэння	Архіпа-Осіпаўка[d], Муніцыпальнае ўтварэнне горад-курорт Геленджык[d], Краснадарскі край, РСФСР, СССР
Род дзейнасці	гісторык
Месца працы	БДУ
Навуковая ступень	кандыдат гістарычных навук
Альма-матар	БДУ

Навуковая дзейнасць

Даследуе гісторыю і развіццё беларускага радыё. Аўтар навуковых прац: «Родны голас: Публіцыстычныя выступленні Я.Коласа на радыё» (1970), «Станаўленне Беларускага радыё (1925—1932)» (1973), «Беларускае радыё ў гады Вялікай Айчыннай вайны (чэрвень 1941—май 1945)» (1974), «Слова ў змаганні» (1976), «Радыё клікала да барацьбы», «Карэспандэнты ваеннага часу» (абедзве 1995); «Адраджэнне радыёвяшчання на Беларусі (1944—1945)» (1998); навучальна-метадычных прац, дакументальных і навукова-папулярных фільмаў.

Творы

• У вогненныя гады: Гаворыць і паказвае Беларусь. Мн., 1975 (у сааўт.);
• Радыёперадача. Ч. 1. Мн., 1988 (разам з Я. Радкевічам);
• З пашанай і цеплынёй да Alma mater. Мн., 2003 (у сааўт.).
• Информационные и аналитические жанры радиожурналистики. Мн.. 2003.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).