Валянціна Іванаўна Гаявая
Валянціна Іванаўна Гаявая (22 ліпеня 1936, пас. Данілаўка, Сталінградскі край, РСФСР) — беларускі харэограф. Народны артыст Беларускай ССР (1989)[1].
| Валянціна Іванаўна Гаявая | |
|---|---|
| Дата нараджэння | 22 ліпеня 1936 (88 гадоў) |
| Месца нараджэння | |
| Прафесія | харэограф |
| Прэміі |
 |
| Узнагароды |
   |
Біяграфія
правіцьУ 1965 годзе скончыла Вышэйшую прафсаюзную школу Усесаюзнага цэнтральнага савета прафесійных саюзаў у Ленінградзе. З 1967 года — мастацкі кіраўнік дзіцячай харэаграфічнай студыі Дома культуры завода імя Кірава ў Магілёве, з 1973 года — балетмайстар Белдзяржфілармоніі. З 1974 года — мастацкі кіраўнік і галоўны балетмайстар ансамбля «Харошкі»[1], створанага ёй разам з Мікалаем Дудчанкам.
Творчасць
правіцьУ пастаўленых сюіце «Субота», харэаграфічнай кампазіцыі «Тураўская легенда», харэаграфічных карцінках «Валачэбнікі», «Местачковы вальс», танцах «Мітусь», «Танок», «Кросны», танцах народаў СССР шырока выкарыстаны гістарычны, этнаграфічны, фальклорны матэрыял, элементы прыкладнога мастацтва[1].
Узнагароды і прэміі
правіць- Дзяржаўная прэмія Рэспублікі Беларусь у галіне літаратуры, мастацтва і архітэктуры (1996) — за пастаноўкі «Па старонках Полацкага сшытка», «Бывай, XX стагоддзе!».
- Медаль Францыска Скарыны (1996).
Зноскі
Спасылкі
правіць- Валентина Гаевая: Борис Моисеев до сих пор не может забыть, что я его не взяла в «Хорошки» Архівавана 21 студзеня 2012. (руск.)