Валянцін Кузьміч Гусакоў

Валянцін Кузьміч Гусакоў (нар. 3 лютага 1933, в. Ужляціна, Шумілінскі раён, Віцебская вобласць — 2010) — беларускі вучоны ў галіне ветэрынарыі. Доктар біялагічных навук (1975), прафесар (1977). Член-карэспандэнт Расійскай Акадэміі аграрнай адукацыі (1998).

Валянцін Кузьміч Гусакоў
Дата нараджэння	3 лютага 1933(1933-02-03)
Месца нараджэння	Ужляціна, Пагарэліцкі сельсавет, Сіроцінскі раён, БССР, СССР
Дата смерці	2010
Грамадзянства	Беларусь
Род дзейнасці	ветэрынар
Месца працы	Віцебская дзяржаўная акадэмія ветэрынарнай медыцыны
Навуковая ступень	доктар біялагічных навук
Навуковае званне	прафесар
Альма-матар	Біятэхналагічны факультэт ВДАВМ (1959)

Біяграфія

Нарадзіўся 3 лютага 1933 года ў в. Ужляціна Шумілінскага раёна.

Скончыў у 1959 годзе заатэхнічны факультэт Віцебскага ветэрынарнага інстытута. З 1961 года ў Віцебскай акадэміі ветэрынарнай медыцыны, у 1980–2000 гг. – загадчык кафедры нармальнай і паталагічнай фізіялогіі.

Памёр у 2010 годзе.

Навуковая дзейнасць

Навуковыя працы па вывучэнні сакраторна-ферментатыўнай дзейнасці стрававальнага тракту ў розных відаў сельскагаспадарчых жывёл. Заснавальнік і кіраўнік навуковай школы «Фізіялогія стрававання сельскагаспадарчых жывёл і птушак».

Адзін з аўтараў вучэбнага дапаможніка для сярэдніх сельскагаспадарчых навучальных устаноў «Практыкум па анатоміі і фізіялогіі сельскагаспадарчых жывёл» (1979), даведнікаў.

Літаратура

• Гусакоў Валянцін Кузьміч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Валянцін Кузьміч Гусакоў на сайце анлайн-энцыклапедыі «Беларусь у асобах і падзеях»