Валянцін Мікалаевіч Салаўёў

Валянцін Мікалаевіч Салаўёў (нар. 20 студзеня 1956, Стоўбцы, Мінская вобласць) — беларускі акцёр.

Валянцін Мікалаевіч Салаўёў
Дата нараджэння	20 студзеня 1956(1956-01-20) (68 гадоў)
Месца нараджэння	Стоўбцы, Стаўбцоўскі раён, Мінская вобласць, БССР, СССР
Адукацыя	Беларуская дзяржаўная акадэмія мастацтваў
Прафесія	тэатральны акцёр
Тэатр	Нацыянальны акадэмічны драматычны тэатр імя Якуба Коласа РТБД
Узнагароды

Біяграфія

У БДТ-2 з 1986 года пасля заканчэння БДТМІ. Акцёр шырокага творчага дыяпазону, выконвае ролі сацыяльных герояў. Унутраны драматызм, эмацыйная насычанасць, уменне раскрыць сутнасць вобраза. Удзел у міжнародных тэатральных фестывалях «Белая вежа» (2004, г. Брэст) і Турцыі (2004, Трабзон) са спектаклем «Бацька» А. Стрындберга, «Славянскія тэатральныя сустрэчы» (2005, г. Гомель) са спектаклем «Кацярына Іванаўна» А.Андрэева. Спектакль «Шагал…Шагал…» У.Драздова — на міжнародных тэатральных фестывалях у Англіі, Шатландыі, Францыі, Германіі, Расіі, Малдове, ЗША.

З 1986 па 2012 год працаваў у Нацыянальным акадэмічным драматычным тэатры імя Якуба Коласа ў Віцебску. З 2013 года працуе ў Рэспубліканскім тэатры беларускай драматургіі ў Мінску.

Рэпертуар

• «Несцерка» А. Вольскага — Несцерка, Суддзя,
• «Памінальная малітва» Р. Горына — Тэўе,
• «От, цо да!» С. Яновіча — Тарашкевіч,
• «Васа» М. Горкага — Прохар,
• «Млын» А. Дударава — Палкоўнік,
• «Падзея» У. Набокава — Рэўшын,
• «Жанчына ў пяску» Кобэ Абэ — Дзюмпэй,
• «Кракаўскі студэнт» Г. Марчука — Лука Скарына,
• «Прымакі» Янкі Купалы — Максім Кутас і інш.

Акцёрскую працу ў рэпертуарным тэатры сумяшчае са здымкамі ў кіно і ўдзелам у спектаклях «Заслужанага калектыву рэспубліканскага тэатра беларускай драматургіі».

Прэміі і ўзнагароды

• медаль Францыска Скарыны (2006),
• медаль «За ўклад у развіццё культуры Беларусі» (2006),
• Лаўрэат прэміі імя В. Дуніна-Марцінкевіча і прыза «Натхненне» (2008),
• «Заслужаны артыст Рэспублікі Беларусь» (2012).

Спасылкі

• Салаўёў Валянцін Мікалаевіч Архівавана 1 кастрычніка 2020. (бел.)
• Соловьев Валентин Николаевич (руск.)
• Соловьёв Валентин Николаевич (#467) Архівавана 14 ліпеня 2014. (руск.)