Васіль Віктаравіч Мініч
Васіль Віктаравіч Мініч (8 сакавіка 1949, в. Сукачы Жыткавіцкага раёна Гомельскай вобласці БССР — 2008, Беларусь) — мастак.
| Васіль Віктаравіч Мініч | |
|---|---|
| Дата нараджэння | 8 сакавіка 1949 |
| Месца нараджэння | |
| Дата смерці | 2008 |
| Месца смерці | |
| Жонка | Галіна Іванаўна Русанава |
| Род дзейнасці | мастак |
| Вучоба | |
Біяграфія правіць
У 1972 г. паступіў у Мінскае мастацкае вучылішча імя А. К. Глебава і з адзнакай скончыў яго ў 1976 годзе. З 1979 г. жыў і працаваў ў Дзяржынску Мінскай вобласці. З 1980 года мастак аддзела культуры Дзяржынскага райвыканкама.
У Дзяржынску пабраўся шлюбам з мастачкай Галінай Русанавай. Іх дачка Марыя — мастацтвазнавец.
Творчасць правіць
Маляваў партрэты, пэйзажы, нацюрморты. Аўтар праекта мастацкага афармлення Дзяржынскага гісторыка-краязнаўчага музея. Ажыццяўляў праектаванне і мастацкае афармленне гарадскіх святаў, інтэр’ераў будынкаў і рэклямы, нямала зрабіў для рэстаўрацыі ікон Свята-Пакроўскай царквы ў Дзяржынску. Удзельнік рэспубліканскіх і міжнародных мастацкіх выставак з 1982 г. Арганізаваў персанальныя выстаўкі ў Дзяржынску (1983, 1985). Галоўная тэма твораў мастака — прырода яго роднага Палесся: «Палескі пейзаж», «Парыў ветру», «Паводка на Палессі», «Кветкі палявыя», «Восеньскі змрок», «Восеньская раніца». Шэраг работ прысвяціў Дзяржынскаму раёну: «У старым парку Станькава», «Бярозавая алея», «Сад цвіце», «Дзяржынскі кальвінскі збор» і іншыя. Напісаў партрэты гісторыка Міколы Ермаловіча і ўдзельніка супраціўлення Андрэя Варанкова, які ваяваў у Бельгіі.
Сёньня ягоныя карціны знаходзяцца ў фондах Дзяржынскага раённага гісторыка-краязнаўчага музея і ў шматлікіх калекцыях Беларусі і замежных краін.
Зноскі
Літаратура правіць
- Памяць: Гіст.-дакум. хроніка Дзяржынскага р-на. — Менск: БЕЛТА, 2004. — 704 с.: іл. ISBN 985-6302-64-1.