Весці Інстытута прадпрымальніцкай дзейнасці
«Весці Інстытута прадпрымальніцкай дзейнасці» (руск.: Вести Института предпринимательской деятельности) — беларускі навукова-практычны часопіс, які з'яўляецца перыядычным выданнем Інстытута прадпрымальніцкай дзейнасці.
«Весці Інстытута прадпрымальніцкай дзейнасці» | |
---|---|
Арыгінальная назва |
руск.: Вести Института предпринимательской деятельности |
Тып | навуковы часопіс[d] |
Выдавец | Інстытут прадпрымальніцкай дзейнасці |
Краіна | |
Галоўны рэдактар | Віктар Леанідавіч Цыбоўскі |
Заснавана | 20 лістапада 2009 |
Тэматыка | эканоміка |
Мова | руская, беларуская і англійская |
ISSN | 2079-0945 |
У часопісе публікуюцца матэрыялы навуковых даследаванняў у сферы эканомікі, а таксама ў іншых галінах, звязаных тым ці іншым чынам з гаспадарчай дзейнасцю, якія маюць тэарэтычную ці практычную значнасць.
Часопіс зарэгістраваны Міністэрствам інфармацыі Рэспублікі Беларусь 20 лістапада 2009 года і ўнесены ў Дзяржаўны рэестр сродкаў масавай інфармацыі пад нумарам 789. Міжнародны стандартны серыяльны нумар ISSN 2079-0945. Заснавальнікам часопіса з'яўляецца ўстановы адукацыі "Інстытут прадпрымальніцкай дзейнасці".
Часопіс выдаецца 2 разы ў год, з'яўляецца навукова-практычным перыядычным рэдагуемым друкаваным выданнем, у якім могуць публікавацца матэрыялы на рускай, беларускай і англійскай мовах. Ганарары аўтарам артыкулаў не выплочваюцца. Плата за публікацыю артыкулаў з аўтараў не спаганяецца.
Часопіс мае рэдакцыйную калегію, члены якой з'яўляюцца спецыялістамі ў галінах ведаў, якія адпавядаюць тэматыцы часопіса, і маюць вучоныя ступені дактароў і кандыдатаў навук. Галоўны рэдактар часопіса — Віктар Леанідавіч Цыбоўскі, намеснік галоўнага рэдактара часопіса — Генадзь Аляксеевіч Хацкевіч, навуковы рэдактар часопіса — Юрый Леанідавіч Сівакоў.
Часопіс уключаны Вышэйшай атэстацыйнай камісіяй Рэспублікі Беларусь у Пералік навуковых выданняў Рэспублікі Беларусь для апублікавання вынікаў дысертацыйных даследаванняў па эканамічных навуках.