Генадзь Аляксеевіч Хацкевіч
Генадзь Аляксеевіч Хацкевіч (нар. 6 снежня 1950, Рамны, Украіна) — беларускі навуковец, эканаміст, доктар эканамічных навук, прафесар.
| Генадзь Аляксеевіч Хацкевіч | |
|---|---|
| Дата нараджэння | 6 снежня 1950 (73 гады) |
| Месца нараджэння | |
| Грамадзянства | |
| Род дзейнасці | эканаміст, выкладчык універсітэта |
| Навуковая сфера | эканоміка |
| Месца працы | |
| Навуковая ступень | доктар эканамічных навук (2001) і кандыдат тэхнічных навук (1982) |
| Навуковае званне |
|
| Альма-матар |
|
| Узнагароды | |
Біяграфія правіць
Скончыў Беларускі дзяржаўны ўніверсітэт у 1973 годзе па спецыяльнасці «Прыкладная матэматыка». У 1975—1978 гадах навучаўся ў аспірантуры Беларускага дзяржаўнага ўніверсітэта па спецыяльнасці «Тэхнічная кібернетыка і тэорыя інфармацыі».
У 1982 годзе ў Беларускім дзяржаўным універсітэце абараніў дысертацыю на саісканне навуковай ступені кандыдата тэхнічных навук на тэму «Адаптыўныя працэдуры ацэньвання параметраў у задачах ідэнтыфікацыі». У 1985 годзе атрымаў навуковае званне дацэнта па кафедры тэорыі імавернасцей і матэматычнай статыстыкі.
21 верасня 2001 года ў Інстытуце эканомікі Нацыянальнай акадэміі навук Беларусі абараніў дысертацыю на саісканне навуковай ступені доктара эканамічных навук на тэму «Эканаметрычнае мадэляванне і аналіз няўстойлівых сацыяльна-эканамічных працэсаў пераходнага перыяду» па спецыяльнасці «Матэматычныя і інструментальныя метады эканомікі». У 2003 годзе Вышэйшая атэстацыйная камісія Рэспублікі Беларусь прысвоіла яму навуковае званне прафесара па спецыяльнасці «Эканоміка».
У 1973—1975 гадах працаваў інжынерам, малодшым навуковым супрацоўнікам галіновай навукова-даследчай лабараторыі Беларускага дзяржаўнага ўніверсітэта. У 1978—1985 гадах працаваў на кафедры тэорыі імавернасцей і матэматычнай статыстыкі БДУ на пасадах асістэнта, а пасля абароны кандыдацкай дыссертацыі — дацэнта. У 1985—1988 гадах таксама працаваў у Алжырскім нацыянальным інстытуце планавання і статыстыкі (Алжыр). У 1988—1995 гадах займаў пасаду дацэнта кафедры матэматычнага мадэлявання БДУ. У 1995—2001 гадах працаваў у Прыватным інстытуце кіравання і прадпрымальніцтва ў Мінску на пасадах дэкана ўлікова-эканамічнага факультэта (1995—1997), прарэктара па навуковай рабоце і загадчыка кафедры статыстыкі (1997—2001). У 2001—2008 гадах займаў пасаду прарэктара па навуковай працы і міжнародных сувязях Мінскага інстытута кіравання. У 2008 годзе быў прызначаны на пасаду прарэктара па навуковай працы і інавацыях Гродзенскага дзяржаўнага ўніверсітэта імя Янкі Купалы. Пасля працаваў дэканам факультэта бізнесу, загадчыкам кафедры бізнес-адміністравання Інстытута бізнесу і менеджменту тэхналогій Беларускага дзяржаўнага ўніверсітэта. Таксама супрацоўнічае з Інстытутам прадпрымальніцкай дзейнасці.
Навуковая дзейнасць правіць
Асноўныя навуковыя інтарэсы: пытанні эканаметрычнага мадэлявання і прагназавання сацыяльна-эканамічных з’яў і працэсаў, распрацоўка матэматычных індыкатараў дынамікі макраэканамічных працэсаў. З’яўляецца экспертам у галіне эканаметрычнага мадэлявання і прагназавання сацыяльна-эканамічных з’яў і працэсаў.
Сябар рэдакцыйных калегій шматлікіх навуковых выданняў, навуковых часопісаў і сборнікаў. Прыняў удзел больш чым у 120 навуковых канферэнцыях. Апублікаваў звыш 300 навуковых і навукова-метадычных работ. Падрыхтаваў 1 кандыдата навук, кіруе навуковай працай аспірантаў.
Уваходзіць у склад саветаў па абароне дысертацый пры Беларускім дзяржаўным універсітэце і Беларускім дзяржаўным эканамічным універсітэце. Сябар Беларускай статыстычнай асацыяцыі.
Узнагароды правіць
- Граматы і ганаровыя граматы Беларускага дзяржаўнага ўніверсітэта, Мінскага інстытута кіравання, Прыватнага інстытута кіравання і прадпрымальніцтва, Гродзенскага гарадскога выканаўчага камітэта і інш.
- Юбілейны медаль Нацыянальнага педагагічнага ўніверсітэта імя М. П. Драгаманава