Вольга Мікалаеўна Жалонкіна

Вольга Мікалаеўна Жалонкіна (нар. 15 студзеня 1956, г. Драгобыч, Украіна) — беларускі мастак тэатра.

Вольга Мікалаеўна Жалонкіна
Дата нараджэння	15 студзеня 1956(1956-01-15) (68 гадоў)
Месца нараджэння	Драгобыч, Драгобыцкая вобласць, УССР, СССР
Грамадзянства	Беларусь
Адукацыя	Растоўскі мастацкі тэхнікум імя М. Б. Грэкава[d] (1981)
Прафесія	сцэнограф
Тэатр	Беларускі дзяржаўны акадэмічны музычны тэатр
Член у	БСТД

Біяграфія

Скончыла ў 1981 годзе Растоўскае мастацкае вучылішча. 3 1981 года мастак па касцюмах Беларускага акадэмічнага музычнага тэатра.

Член Беларускага саюза тэатральных дзеячаў з 1989 года.

Творчасць

Касцюмы, створаныя Жалонкінай, вызначаюцца вынаходлівасцю, дасціпнасцю вырашэння, дакладнасцю характарыстыкі персанажаў.

Стварыла адметныя касцюмы да спектакляў «Дзяніс Давыдаў» А. Мдывані, «Гуляем у прынца і жабрака» А. Журбіна (абодва 1985), «Клоп» У. Дашкевіча (1988), «Хэло, Долі!» Д. Германа (1992), «Цыганскі барон», «Кажан» І. Штрауса (1997, 2001), «Даратэя» Ц. Хрэннікава (2000), «Прынцэса цырка» І. Кальмана (2008) і інш.

Літаратура

• Жалонкіна Вольга Мікалаеўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

Спасылкі

• Вольга Мікалаеўна Жалонкіна на сайце анлайн-энцыклапедыі «Беларусь у асобах і падзеях»