Ган (востраў)

(Пасля перасылкі з Востраў Ган)

Ган (дывехі: ގަން) — самы буйны востраў Мальдыўскага архіпелага, частка атола Лааму. Уваходзіць у склад дзяржавы Мальдывы. Плошча сушы — 5,1659 км². Насельніцтва (2009 г.) — 2670 чал.

Ган
дыв. ގަން
Выгляд з паветра
Выгляд з паветра
Характарыстыкі
Плошча5,1659 км²
Насельніцтва2 670 чал.
Шчыльнасць насельніцтва516,85 чал./км²
Размяшчэнне
01°54′55″ пн. ш. 73°32′35″ у. д.HGЯO
АкваторыяІндыйскі акіян
Краіна
Ган (востраў) (Мальдывы)
Ган
Ган
Праблемы з <mapframe>:
  • Атрыбут «latitude» мае няслушнае значэнне
  • Атрыбут «longitude» мае няслушнае значэнне

Геаграфія правіць

 
Карта

Востраў Ган месціцца ў заходняй частцы атола Лааму ў 240 км на поўдзень ад Мале, сталіцы Мальдываў. Выцягнуты з поўначы на поўдзень амаль на 9 км. Найбольшая шырыня - 1,45 км, аднак у некаторых месцах яна не перавышае 242 м. Мае каралавае паходжанне. Суша складзена пераважна вапнякамі. Натуральных паверхневых вадаёмаў няма.

Клімат экватарыяльны мусонны. У 2004 г. пацярпеў ад снежаньскага цунамі. Паколькі востраў нізкі, яму можа пагражаць павелічэнне ўзроўню акіяна ў сувязі з глабальным пацяпленнем.

Гісторыя правіць

Продкі сучасных дывехі, жыхароў вострава Ган, прыбылі у другой палове 1 тысячагоддзя да н. э. У 1923 г. археолагамі былі знойдзены руіны будысцкага храма-кляштара Гаму Хаійфелі. Яны ўключаюць рэшткі двух будынкаў і ступы. Храм дзейнічаў да 1153 г., пакуль дывехі не прынялі іслам.

У 2004 г. насельніцтва вострава Ган моцна пацярпела ад цунамі.

Інфраструктура правіць

Востраў Ган фактычна выконвае ролю адміністрацыйнага цэнтра атола Лааму. На ім размешчана некалькі населеных пунктаў. На поўдні вострава пабудаваны порт. Ган злучаны шашою с суседнімі населенымі астравамі. На Гане таксама працуюць пачатковыя і сярэдняя школы, шпіталь, аддзяленне нацыянальнага банка.

Асноўныя заняткі астравіцян — рыбалоўства і земляробства, аднак яны накіраваны пераважна на задавальненне ўнутраных патрэб. У 2011 г. была адчынена турыстычная вёска, прыцягальная для аматараў нырання з аквалангам.

Спасылкі правіць