Вуліца Будзённага (Магілёў)

Вуліца Будзённага (руск.: улица Будённого) — вуліца ў Ленінскім раёне Магілёва, у гістарычным цэнтры горада.

Будзённага Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	450 м
Ранейшыя назвы	Шклоўскі завулак Сувораўская вуліца
Назва ў гонар	Сямён Міхайлавіч Будзённы

Гісторыя

Адна з найстарэйшых вуліц горада, пачала фарміравацца ў XVII ст. Першапачаткова насіла назву Шклоўскі завулак. У XIX ст. перайменавана расійскімі ўладамі ў Сувораўскую вуліцу, у гонар расійскага палкаводца, які камандаваў здушэннем паўстання Касцюшкі. У 1922 годзе названа ў гонар савецкага военачальніка С. М. Будзённага. Сучаснае аблічча вуліцы пачало складваецца ў пачатку 1930-х гадоў. У 1931—1937 гадах пабудаваны шэраг жылых дамоў. У 1950-я гады ў выніку рэканструкцыі цэнтральнай часткі горада вуліца забудавана 3-, 4-павярховымі жылымі дамамі. Частка вуліцы ад вул. Першамайскай да вуліцы Ленінскай пасля рэканструкцыі Камсамольскага сквера стала пешаходнай.

Размяшчэнне

Арыентавана з паўночнага захаду на паўднёвы ўсход. Да скрыжавання з вуліцай Ленінскай пешаходная, завяршаецца скрыжаваннем з вуліцай Піянерскай.

Забудова

Няцотны бок

• № 3 — 7-ае анкалагічнае аддзяленне паліятыўнага лячэння (хоспіс) Магілёўскага абласнога анкалагічнага дыспансера.

Дом № 15/45

• № 11 — інстытут «Магілёўграмадзянпраект».

Цотны бок

• (вул. Ленінская, 47) — кінатэатр «Радзіма».

Літаратура

• Будённого улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх