Віктар Амадэй III

Віктар Амадэй III (італ.: Vittorio Amedeo III; 26 чэрвеня 1726, Турын, Італія — 16 кастрычніка 1796, Манкальеры, Італія) — кароль Сардзінскага каралеўства і герцаг Савойскі з 1773 года.

Віктар Амадэй III Vittorio Amedeo III
3-і Кароль П'емонта і Сардзініі
20 лютага 1773 — 14 кастрычніка 1796
Папярэднік	Карл Эмануіл III
Пераемнік	Карл Эмануіл IV
Дзейнасць	калекцыянер мастацтва, мецэнат
Нараджэнне	26 чэрвеня 1726(1726-06-26) Турын, Сардзінскае каралеўства[d]
Смерць	16 кастрычніка 1796(1796-10-16) (70 гадоў) Манкальеры (Сардзінскае каралеўства)
Пахаванне	Суперга
Род	Савойскі дом
Бацька	Карл Эмануіл III
Маці	Паліксена Крысціна Гесэн-Рэйнфельс-Ротэнбургская
Жонка	Марыя Антуанэта Бурбонская
Дзеці	Карл Эмануіл IV, Віктар Эмануіл I, Карл-Фелікс і інш.
Аўтограф

Біяграфія

Віктар Амадэй нарадзіўся ў Турыне, быў старэйшым сынам Карла Эмануіла III і яго другой жонкі Паліксены Крысціны Гесэн-Рэйнфельс-Ротэнбург.

Ён узышоў на прастол у 1773 годзе пасля смерці бацькі. На працягу Італьянскай кампаніі Напалеона яго войскі былі пераможаны французамі ў бітве пры Мілесіма (13 красавіка 1796) года. Віктар Амадэй быў вымушаны падпісаць Парыжскі дагавор (1796) і саступіць Францыі горада Кунеа, Чэва, Алесандрыю і Тартону. Гэты мір фактычна знішчыў Сардзінію як самастойную дзяржаву: Савоя і Ніца таксама былі саступлены Францыі.

Сям'я

Віктар-Амадэй быў у шлюбе з Марыяй Антуанэтай Бурбонскай (1729—1785), малодшай дачкой Філіпа V Іспанскага. У гэтым шлюбе нарадзіліся:

• Карл Эмануіл IV (1751—1819), ажаніўся з Клацільдай Французскай, сястрой Людовіка XVI Французскага
• Марыя Елізавета Шарлота (1752—1753)
• Марыя Жазэфіна (1753—1810), у шлюбе з Людовікам XVIII Французскім
• Амадэй-Аляксандр (1754—1755), герцаг дэ Манферат
• Марыя-Тэрэза (1756—1805), у шлюбе з Карлам X Французскім
• Марыя-Ганна (1757—1824)
• Віктар Эмануіл I (1759—1824)
• Марыя Крысціна Жазэфіна (1760—1768)
• Марыс-Жазеф (1762—1799), герцаг дэ Манферат
• Караліна (1764—1782), у шлюбе з Антонам I Саксонскім
• Карл-Фелікс (1765—1831)
• Жазеф-Бенуа (1766—1802), граф Марыен (1796) і д'Асці (1796—1802).

З шасці сыноў пяцёра выжылі і трое з іх узыйшлі на прастол. Дзве дачкі ажаніліся з двума братамі: будучымі каралямі Францыі Людовікам XVIII і Карлам X, прычым Віктар-Амадэй паклапаціўся аб тым, каб старэйшая ажанілася са старэйшым, а малодшая з малодшым.