Віктар Іванавіч Шорыкаў

Віктар Іванавіч Шорыкаў (нар. 1950, г. Маларыта, Брэсцкая вобласць) — беларускі дзяржаўны дзеяч.

Віктар Іванавіч Шорыкаў
Старшыня Магілёўскага гарадскога выканаўчага камітэта 4 сакавіка 2002 — 8 снежня 2009
Прэзідэнт	Аляксандр Рыгоравіч Лукашэнка
Папярэднік	Міхаіл Аляксеевіч Красноў
Пераемнік	Станіслаў Пятровіч Барадаўка
Нараджэнне	1950 Маларыта, Маларыцкі раён, Брэсцкая вобласць, БССР, СССР
Адукацыя	Магілёўскі машынабудаўнічы інстытут (1971) Акадэмія кіравання пры Прэзідэнце Рэспублікі Беларусь (2006)
Месца працы	Тэхнапрыбор[d]
Узнагароды	Грамата Прэзідыума Вярхоўнага Савета БССР (1981) Выдатнік прыборабудавання[d] (1982) Заслужаны работнік прамысловасці Рэспублікі Беларусь (1999)

Біяграфія

У 1966—1971 гадах вучыўся ў Магілёўскім машынабудаўнічым інстытуце па спецыяльнасці «будаўнічыя і дарожныя машыны і абсталяванне». У 1971—1973 гадах служыў у радах Савецкай Арміі. У 2006 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «дзяржаўнае кіраванне нацыянальнай эканомікай».

У 1973—1976 гадах працаваў інжынерам, старэйшым інжынерам Магілёўскага завода прылад для падрыхтоўкі першаснай інфармацыі, у 1976—1978 гадах начальнік бюро па новай тэхніцы, у 1978—1985 гадах начальнік цэха (з 1981 года — Магілёўскі завод «Тэхнапрыбор»). У 1985—1991 гадах дырэктар Магілёўскага завода «Чырвоны металіст». З ліпеня 1991 па 2002 года генеральны дырэктар «Тэхнапрыбора».

З 4 сакавіка 2002 года па 8 снежня 2009 года займаў пасаду старшыні Магілёўскага гарадскога выканаўчага камітэта.

Узнагароды

Узнагароджаны ў 1981 годзе Граматай Вярхоўнага Савета БССР, у 1982 годзе — знакам «Выдатнік прыборабудавання», у 1999 годзе — прысвоена званне «Заслужаны работнік прамысловасці Рэспублікі Беларусь».

Спасылкі

• Шориков Виктор Иванович Архівавана 26 кастрычніка 2019.