Віктар Елісеевіч Цішчанка

Віктар Елісеевіч Цішчанка (нар. 15 сакавіка 1927, в. Бярозкі, Хоцімскі раён, Магілёўская вобласць) — беларускі эканаміст. Доктар эканамічных навук (1969), прафесар (1971).

Віктар Елісеевіч Цішчанка
Дата нараджэння	15 сакавіка 1927(1927-03-15) (97 гадоў)
Месца нараджэння	Бярозкі, Бярозкаўскі сельсавет, Хоцімскі раён, Магілёўская вобласць, БССР, СССР
Месца працы	Гомельскі дзяржаўны ўніверсітэт імя Францыска Скарыны Уфімскі нафтавы інстытут[d]
Навуковая ступень	доктар эканамічных навук (1969)
Навуковае званне	прафесар (1971)
Альма-матар	Львоўскі політэхнічны інстытут (1951) Маскоўскі нафтавы інстытут (1956)
Узнагароды	Заслужаны дзеяч навукі Башкірскай АССР[d] (1974)

Біяграфія

Скончыў Львоўскі політэхнічны інстытут (кваліфікацыя «Інжынер-эканаміст», 1951), Маскоўскі нафтавы інстытут імя І. М. Губкіна (кваліфікацыя «Інжынер-геолаг», 1956), Маскоўскі інстытут нафтахімічнай і газавай прамысловасці імя І. М. Губкіна (аспірантура, 1959).

Працаваў у трэсце «Захсібнафтагеафізіка» (г. Цюмень, 1951—1956, інжынер-эканаміст, начальнік планавага аддзела), Уфімскім нафтавым інстытуце (з 1960, кафедра эканомікі, арганізацыі і планавання нафтавай прамысловасці, з 1961 — загадчык кафедры), Гомельскім дзяржаўным універсітэце імя Ф. Скарыны (1983—1995, кафедра бухгалтарскага ўліку, кантролю і аналізу гаспадарчай дзейнасці, у 1986—1992 — загадчык кафедры).

Навуковыя інтарэсы: эканоміка паліўна-энергетычнага комплексу.

Узнагароды

Званні «Заслужаны дзеяч навукі Башкірскай АССР» (1974), «Заслужаны дзеяч навукі РСФСР» (1976).

Бібліяграфія

• Эффективность производства нефтегазоразведочных работ и пути ее повышения : автореферат диссертации … доктора экономических наук : 594 / Тищенко Виктор Елисеевич. — Москва, 1968.
• Показатели эффективности геологопоисковых работ на нефть и газ и пути их повышения : автореферат диссертации … кандидата экономических наук / Тищенко В. Е. — Москва, 1959.

Літаратура

• Тищенко Виктор Елисеевич // Республика Беларусь : энциклопедия : [в 7 т.]. — Минск, 2008. — Т. 7. — С. 227.
• Цішчанка Віктар Елісеевіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 131. — 10 000 экз. — ISBN 985-11-0035-8. — ISBN 985-11-0279-2 (т. 17).
• Цішчанка Віктар Елісеевіч // Памяць : Хоцімскі раён. — Мінск, 2003. — С. 526.
• Ученый-экономист с берегов Еленки / И. Бабына, Д. Павловец // Университет профессорский / [Гомельский государственный университет им. Ф. Скорины]. — Гомель, 2005. — С. 322—324.