Віктар Міхайлавіч Папоў

Віктар Міхайлавіч Папоў (10 лютага 1945, Душанбэ) — беларускі архітэктар.

Віктар Міхайлавіч Папоў
Дата нараджэння	10 лютага 1945(1945-02-10) (79 гадоў)
Месца нараджэння	Душанбэ, Таджыкская Савецкая Сацыялістычная Рэспубліка, СССР
Альма-матар	Таджыкскі політэхнічны інстытут[d] (1968)
Месца працы	Таджыкдзіпрабуд[d] Таджыкдзіпрабуд[d] Гроднаграмадзянпраект[d] Гродзенскі філіял «Белжылпраекта»[d]
Член у	Саюз архітэктараў СССР Беларускі саюз архітэктараў

Біяграфія

Скончыў Таджыкскі політэхнічны інстытут у 1968 годзе. З 1971 па 1978 г. працаваў у Каздзіпрагандлі, кіраўніком групы архітэктараў, галоўным архітэктарам праектаў у Таджыкдзіпрабудзе. З 1978 г. — галоўны архітэктар праектаў у Гроднаграмадзянпраекце, з 1984 года — у Гродзенскай майстэрні Белжылпраекта.

Член Саюза архітэктараў СССР з 1975 года. Пражывае ў Гродне.

Творчасць

Ім запраектаваны радзільня, камбінат школьнага харчавання, будынак праўлення Гідраметэаслужбы і вытворча-лабараторны корпус ЦСУ Таджыкскай ССР у Душанбэ.

Асноўныя працы (у аўтарскім калектыве) у Беларусі: гасцініца на 500 месцаў (1982), эксперыментальны раён Румлёва (1978—1982), прыбудова навучальных карпусоў Дзяржуніверсітэта, СПТВ-41, патолагаанатамічны корпус абласной бальніцы (1982—1984) у Гродне, інтэр’ер вестыбюля санаторыя «Беларусь» у г. Друскінінкай Літоўскай ССР (1982).

Літаратура

• Попов Виктор Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)