Вілі Шпюлер

Вілі Шпюлер (ням.: Willy Spühler; 31 студзеня 1902, Цюрых — 31 мая 1990, там жа) — швейцарскі палітык, прэзідэнт.

Вілі Шпюлер
ням.: Willy Spühler
член Федэральнага савета Швейцарыі[d] 17 снежня 1959 — 31 студзеня 1970
Нараджэнне	31 студзеня 1902(1902-01-31) Цюрых, Цюрых, кантон Цюрых, Швейцарыя
Смерць	31 мая 1990(1990-05-31) (88 гадоў) Цюрых, Цюрых, кантон Цюрых, Швейцарыя
Месца пахавання	Enzenbühl cemetery[d]
Партыя	Сацыял-дэмакратычная партыя Швейцарыі
Адукацыя	Цюрыхскі ўніверсітэт
Узнагароды
Медыяфайлы на Вікісховішчы

Біяграфія

Вілі Шпюлер нарадзіўся ў працоўным прыгарадзе Цюрыха Аўсерзіле. Бацька быў суддзёй. Пасля заканчэння сярэдняй школы ў Цюрыху В.Шпюлер вывучаў эканоміку і сацыялогію ва ўніверсітэтах Цюрыха і Парыжа. У 1925 годзе ва Універсітэце Цюрыха атрымаў ступень доктара філасофіі. У 1928 годзе ён быў абраны ў гарадскі савет Цюрыха. З 1931 па 1934 год працаваў у Статыстычным упраўленні Цюрыха, а з 1935 па 1942 год быў начальнікам гарадской службы занятасці.

У федэральнай палітыцы Шпюлер пачаў удзельнічаць з 1938 года, калі ён быў абраны ў Нацыянальны савет, а з 1955 года ў Савет кантонаў. Быў спецыялістам у сацыяльнай, эканамічнай і фінансавай палітыцы. У Федэральны савет Шпюлер быў абраны 17 снежня 1959 года. З 17 снежня 1959 года па 31 студзеня 1970 года — член Федэральнага савета Швейцарыі. З 1 студзеня 1960 — 31 снежня 1962 — начальнік дэпартамента (міністр) пошт і шляхоў зносін. З 1 студзеня 1963 года па 31 снежня 1965 года — начальнік дэпартамента транспарту, камунікацый і энергетыкі. З 4 студзеня 1966 года па 31 студзеня 1970 года — начальнік палітычнага дэпартамента. У 1962, 1967 гадах — віцэ-прэзідэнт Швейцарыі. У 1963, 1968 гадах — прэзідэнт Швейцарыі.