Галіна Іванаўна Сяржаніна

Галіна Іванаўна Сяржа́ніна (17 кастрычніка 1930, Мінск — 22 мая 2008, Мінск) — вучоны, ў галіне мікалогіі, кандыдат біялагічных навук (1962).

Галіна Іванаўна Сяржаніна
Дата нараджэння	17 кастрычніка 1930(1930-10-17)
Месца нараджэння	Менск, БССР, СССР
Дата смерці	22 мая 2008(2008-05-22) (77 гадоў)
Месца смерці	Мінск, Беларусь
Грамадзянства	СССР  Беларусь
Бацька	Іван Мікалаевіч Сяржанін
Род дзейнасці	вучоная
Навуковая сфера	мікалогія
Месца працы	Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	кандыдат біялагічных навук
Альма-матар	біялагічны факультэт БДУ
Навуковы кіраўнік	Васіль Феафілавіч Купрэвіч

Біяграфія

Г. І. Сяржаніна нарадзілася ў Мінску, у сям’і біёлагаў. У 1949 годзе скончыла школу, у 1954 годзе — біялагічны факультэт Беларускага дзяржаўнага ўніверсітэта. З 1956 года ў аспірантуры пры Інстытуце біялогіі АН БССР да В. Ф. Купрэвіча. У 1962 годзе абараніла кандыдацкую дысертацыю на тэму «Съедобные и ядовитые грибы БССР порядка Agaricales и их хозяйственное значение». З 1959 г. працавала ў Інстытуце эксперыментальнай батанікі АН БССР старшым навуковым супрацоўнікам, выконваючым абавязкі загадчыка лабараторыі, з 1966 года — старшы навуковы супрацоўнік лабараторыі сістэматыкі ніжэйшых раслін.

У 1988 годзе Г. І. Сяржаніна выйшла на пенсію.

Навуковая дзейнасць

Г. І. Сяржаніна займалася даследаваннямі відавога складу, пашырэння, біялагічных асаблівасцей шапкавых грыбоў. Её належаць працы па флоры, сістэматыцы, экалогіі і цэналогіі вышэйшых грыбоў. Апублікавала больш за 180 навуковых прац, у тым ліку 15 навуковых і навукова-папулярных кніг.

Вынікі даследаванняў Г. І. Сяржанінай таксама захоўваюцца ў мікалагічным гербарыі Інстытута эксперыментальнай батанікі імя В. Ф. Купрэвіча НАН Беларусі.

Выбраная бібліяграфія

• Съедобные и ядовитые грибы: иллюстрированное пособие, Мн., 1967.
• Наши грибы — Мн., 1971.
• Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — 192 с. — 60 000 экз.
• Шляпочные грибы Белоруссии: определитель и конспект флоры — Мн., 1984.
• Высшие грибы в коллекции Института экспериментальной ботаники им. В. Ф. Купревича АН БССР // Вести АН БССР. Сер. биол.наук. — № 1. — С. 92—94. — 1989.
• На грибных тропинках — Мн.: Ураджай, 1990.
• Базідыяльныя грыбы Беларусі: Балетальныя, Агарыкальныя, Русулальныя — Мн.: Навука і тэхніка, 1994.
• Грыбы і грыбная кулінарыя: папулярны энцыклапедычны даведнік — Мінск, Беларуская асацыяцыя кулінараў, 2005. — 388 с. іл. 48 с. (разам з І. Я. Яшкіным)

Літаратура

• Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 66. — 583 с., іл. — 10 000 экз.

Спасылкі

• Памяти Галины Ивановны Сержаниной // Микология и фитопатология, том 44, 2010, выпуск 6 (руск.)