Галіна Уладзіміраўна Савіцкая

Галі́на Уладзіміраўна Саві́цкая, нар. Крысевіч (нар. 13 ліпеня 1961, Мінск) — беларуская баскетбалістка, заслужаны майстар спорту.

Галіна Уладзіміраўна Савіцкая
Нарадзілася	13 ліпеня 1961(1961-07-13) (63 гады) Мінск, БССР, СССР
Грамадзянства	СССР  Іспанія  Беларусь
Альма-матар	спартыўна-педагагічны факультэт спартыўных гульняў і адзінаборстваў БДУФК
Рост	187 см
Вага	79 кг
Пазіцыя	лёгкі форвард
Клубная кар’ера
1976—1989 Гарызонт

Біяграфія

Нарадзілася 13 ліпеня 1961 года ў Мінску. Баскетболам пачала займацца ў 1971 годзе ў мінскай камандзе «Гарызонт». Першы трэнер — Марыя Сялюніна.

Выступала за каманды:

• Гарызонт (Мінск) 1976—1989 гг.
• Навара (Памплона, Іспанія) 1999—1994 гг. і 1995—1996 гг.
• Ардой (Сісур-Маёр, Іспанія) 1997—2001 гг.

З 1980 да 1990 года Галіна Савіцкая з’яўлялася іграком нацыянальнай зборнай СССР па баскетболе. Чэмпіёнка свету (1983 год), бронзавы прызёр Алімпіяды (1988 год), шасціразовая чэмпіёнка Еўропы (1980, 1981, 1983, 1985, 1987, 1989 гг.), пераможца чэмпіянату кантыненту сярод дзяўчатаў (1978 год) і юніёрак (1979 год), чэмпіёнка Універсіяды (1982 год), бронзавы прызёр Спартакіяды народаў СССР (1983 год), сярэбраны прызёр чэмпіянату СССР (1989 год).

У цяперашні час з’яўляецца грамадзянкай і жыве ў Іспаніі.

Літаратура

• Савіцкая Галіна Уладзіміраўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 69. — 10 000 экз. — ISBN 985-11-0035-8. — ISBN 985-11-0238-5 (т. 14).