Гародна (возера, Бешанковіцкі раён)
Гаро́дна — возера ў Беларусі ў Бешанковіцкім раёне Віцебскай вобласці ў басейне ракі Астроўніца (басейн Заходняй Дзвіны) на паўночны ўсход ад гарадскога пасёлка Бешанковічы. Уваходзіць у Астровенскую групу азёр.
| Гаро́дна | |
|---|---|
| Морфаметрыя | |
| Даўжыня | 2,04 км |
| Шырыня | 0,69 км |
| Плошча | 0,85 км² |
| Аб’ём | 3,42 км³ |
| Даўжыня берагавой лініі | 6,25 км |
| Найбольшая глыбіня | 6,5 м |
| Гідралогія | |
| Салёнасць | 0,165 ‰ |
| Празрыстасць | 0,7—0,9 м |
| Басейн | |
| Плошча вадазбору | 3,3 км² |
| Упадаюць | ручай |
| Выцякаюць | рака Астроўніца |
| Размяшчэнне | |
| Краіна |
 Беларусь |
  Гаро́дна |
|
|
|
|
 Гаро́дна |
|
 |
|
Плошча люстра возера 0,85 км². Даўжыня 2,04 км, найбольшая шырыня 0,69 км. Найбольшая глыбіня 6,5 м. Катлавіна Гародна карытападобнай формы выцягнутая з паўночнага захаду на паўднёвы ўсход. Схілы катлавіны вышынёй ад 12 да 22 метраў. Берагі вышынёй да 1 м сугліністыя. Мелкаводдзе (да глыбіні 2 м) займае каля 16% плошчы. Дно выслана пяскамі, гліністым ілам. Прыбярэжная надводная расліннасць займае паласу да 30 метраў.
Возера эўтрофнае, слабапраточнае. Упадае ручай, выцякае рака Астроўніца.
На возеры два астравы агульнай плошчай 0,4 га.
У возеры водзяцца лешч, шчупак, акунь, лінь, плотка і інш.
Ля возера знаходзіцца вёска Гародна, праходзіць аўтамабільная дарога М3.
Літаратура
правіць- Гародна // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
- Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 31. — 72 с. — 10 000 экз. — ISBN 978-985-508-136-5. (руск.)
Спасылкі
правіць- Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
- Морфометрические параметры озёр Витебской области // Справочник «Водные объекты Республики Беларусь» Архівавана 8 сакавіка 2021. (руск.)
- Озёра Бешенковичского района (руск.)