Генадзь Міхайлавіч Шары

Генадзь Міхайлавіч Шары (нар. 23 красавіка 1941, г.п. Парычы, Светлагорскі раён, Гомельская вобласць) — беларускі архітэктар, краязнаўца.

Генадзь Міхайлавіч Шары
Дата нараджэння	23 красавіка 1941(1941-04-23) (82 гады)
Месца нараджэння	Парычы, Парыцкі сельсавет, Светлагорскі раён, Беларусь
Альма-матар	БПІ (1966)
Месца працы	БелНДІПгорадабудаўніцтва
Партыя	КПСС
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1966 годзе. З 1966 па 1971 год працаваў галоўным архітэктарам Салігорска, з 1971 года — старшы, вядучы архітэктар у БелНДІПгорадабудаўніцтва.

Член Саюза архітэктараў СССР з 1979 года. Член КПСС з 1969 года. Пражывае ў г. Мінск.

Творчасць

Удзельнічаў у распрацоўцы праектаў гасцініцы ў Вілейцы (1972), прафтэхвучылішча ў Маладзечне (1974), у выкананні навукова-даследчых прац: карта шумавога рэжыму Мінска (1972), горадабудаўнічае асваенне поймавых тэрыторый у БССР (1979), удасканаленне прамысловай забудовы ў гарадах БССР (1978).

Літаратура

• Шарый Геннадий Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)