Георгій Васільевіч Мяцельскі

Георгій Васільевіч Мяцельскі
Георгій Васільевіч Мяцельскі
Асабістыя звесткі
Дата нараджэння	14 (27) чэрвеня 1911
Месца нараджэння	Старадуб, Старадубскі павет[d], Чарнігаўская губерня, Расійская імперыя;
Дата смерці	8 жніўня 1996 (85 гадоў)
Месца смерці	Вільнюс, Вільнюскае гарадское самакіраванне, Вільнюскі павет, Літва;
Грамадзянства	СССР
Альма-матар	Расійскі ўніверсітэт транспарту[d];
Прафесійная дзейнасць
Род дзейнасці	пісьменнік, паэт
Кірунак	проза, паэзія
Мова твораў	руская

Георгій Васі́льевіч Мяце́льскі (руск.: Георгий Васильевич Метельский; 27 чэрвеня 1911, Старадуб, Бранская вобласць, Расія — 8 жніўня 1996, Вільня) — расійскі пісьменнік, празаік, аўтар вершаў.

Біяграфія правіць

Скончыў школу ў Старадубе, затым Ліпецкі горна-металургічны тэхнікум і Маскоўскі інстытут чыгуначнага транспарту, па сканчэнні якога паступіў у аспірантуру.

Падчас Вялікае Айчыннай вайны ў эвакуацыі ў Томску супрацоўнічаў у гарадскіх і абласных газетах. Затым працаваў у «Комсомольской правде». Адначасова абараніў кандыдацкую дысертацыю.

У 1944 па накіраванні пераехаў у Вільню. Супрацоўнічаў у штодзённай газеце «Советская Литва». У паездках па Літве сабраў матэрыял для кніг нарысаў пра Літву («У боку Нёмана», 1957; «Кропля бурштыну», 1986).

З 1955 сябар Саюза пісьменнікаў СССР. З 1956 пакінуў працу ў рэдакцыі і стаў прафесійным пісьменнікам. Здзейсніў мноства паездак па Савецкім Саюзе (Ямал, Таймыр, Якуція, Чукотка, Камчатка, Сахалін, Курыльскія астравы, рэспублікі Сярэдняе Азіі і Каўказу) і некаторых замежных краінах.

Творчасць правіць

Аўтар больш як сарака кніг, у тым ліку зборнікаў вершаў «Сонечная ноч», «Прасвятленне», «Горад мой», таксама зборнікаў аповесцяў і апавяданняў «Чыстыя дубровы», «Лісце дубу», «Адзін крок», «У трохстах кіламетрах ад жыцця», «Лесавічка», «Восем дзён чакання» і інш. Асобныя нарысы, аповесці, апавяданні публікаваліся як у мясцовым друку (часопіс «Коммунист», альманах і, пасля, часопіс «Литва литературная», газета «Советская Литва», пераназваная пасля ў «Эхо Литвы»), так і за межамі Літоўскае ССР (часопісы «Дон», «Звезда», «Октябрь»).

Творчасць носіць рысы вернасці сацыялістычнай ідэалогіі, асабліва выразнай у кнігах нарысаў і аповесцях пра геолагаў («Ямал — край зямлі», «На 62-й паралелі») і памежнікаў («Тайфун над памежнай заставай», «Бедныя вы мае»). Дзеянне ў гісторыка-бытавых раманах «Скрыжаваныя стрэлы», «Старадубскае лета» і аповесцях «Лісце дубу», «Адзін крок», «Чорныя раўчукі» разгортваецца ў Старадубе.

Для серыі «Политиздата» «Палымяныя рэвалюцыянеры» пісаў гісторыка-біяграфічныя аповесці пра рэвалюцыянераў Зігмунта Серакоўскага («Даленга», 1972), Пятра Смідовіча («Непаўторны», 1976), Івана Фіялетава («Да апошняга подыху», 1984).

У познія гады напісаў некалькі гісторыка-біяграфічных аповесцяў і раманаў пра прамыслоўца Сяргея Мальцава, кампазітара Аляксандра Рубца, паэтаў Фёдара Цютчава і Аляксея Талстога.

У 1953 у часопісе «Пяргале» быў надрукаваны першы, відаць, пераклад на літоўскую мову — нарыс «Па Нёмне». Некаторыя творы перакладаліся, акрамя літоўскае, на венгерскую, украінскую, чэшскую і іншыя мовы.

Выданні правіць

В края Немана. Москва: Молодая гвардия, 1957. 300 с.
Лебеди летят на север. Москва: Мысль, 1964. 294 с.
Один шаг: Повести. Вильнюс, 1964. 412 с.
В трёхстах километрах от жизни: Повести и рассказы. Вильнюс, 1966. 455 с.
Домик на Ра-Изе: Повести и рассказы. Вильнюс, 1968. 471 с.
Янтарный берег. Москва: Мысль, 1969. 203 с.
Скрещеные стрелы: Роман. Вильнюс: Вайздас, 1969. 422 с.
Восемь дней ожидания: Повести. Вильнюс: Вага, 1972. 383 с.
Доленго: Повесть о С. Сераковском. Москва: Политиздат, 1972. 462 с.
Листья дуба: Повесть о родной стороне, изд. 2-е доп. Москва: Мысль, 1974. 255 с.
На шестьдесят восьмой паралели: Роман. Москва: Советский писатель, 1973. 320 с.
Стародубское лето: Роман. Вильнюс: Вага, 1975. 551 с.
Неповторимый: Повесть о Петре Смидовиче. Москва: Политиздат, 1976; 2-е изд. Москва: Политиздат, 1982. 415 с.
По кромке двух океанов. Москва: Мысль, 1978. 190 с
Сердце отданное людям: Повесть об А. И. Рубце. Тула: Приокское книжное издательство, 1978. 94 с.
Солнечная ночь: Стихи. Москва: Советский писатель, 1979. 110 с.
Тайфун над пограничной заставой: Повесть и рассказы. Вильнюс: Вага, 1980. 263 с.
Быстры как волны: Повесть и роман. Вильнюс: Вага, 1981. 672 с.
Чувства добрые я лирой пробуждал. Повесть о забытом музыканте. Худож. Н. Красовитова. Москва: Советский писатель, 1983. 352 с.
До последнего дыхания. Повесть об И. Фиолетове. Москва: Политиздат, 1984. 350 с.
Капля янтаря. Москва: Мысль, 1986. 189 с.
Заря вечерняя. Повесть о последней любви Ф. И. Тютчева. Брянск: Придесенье, 1995. 252 с.
Сергей Мальцов. Повесть о миллионере-подвижнике. Брянск: Придесенье, 1995. 226 с.
… стелется пред нами жизнь его: Жизнь и смерть А. К. Толстого. Вильнюс: Vaga, 1995.
Одолевая высоту: Стихи разных лет. Брянск, «Придесенье», 1996, 243 с.
G. V. Metelskis. Lietuvos keliais. Vilnius: Valstybinė grožinės literatūros leidykla, 1955.
G. V. Metelskis. Dviejų vandenynų pakrantėmis. Vilnius: Vaga, 1981. 187 p.
Georgij Metelskij. Na Jamalu končí země. Praha: Nakladatelství politické literatury, 1963. 230 s.

Спасылкі правіць

Георгій Васілевіч Мяцельскі Архівавана 21 снежня 2012.