Георгій Паўлавіч Лапато

Георгій Паўлавіч Лапато (23 жніўня 1924, в. Азершчына, Гомельская губерня — 13 лютага 2003, Мінск) — беларускі вучоны ў галіне вылічальнай тэхнікі і інфарматыкі. Член-карэспандэнт Нацыянальнай акадэміі навук Беларусі (1995), член-карэспандэнт АН СССР (1979), член-карэспандэнт Расійскай акадэміі навук (1991), доктар тэхнічных навук (1976), прафесар (1980). Удзельнік Вялікай Айчыннай вайны.

Георгій Паўлавіч Лапато
Дата нараджэння	23 жніўня 1924(1924-08-23)
Месца нараджэння	Азершчына, Рэчыцкі павет, Гомельская губерня, РСФСР, СССР
Дата смерці	13 лютага 2003(2003-02-13) (78 гадоў)
Месца смерці	Мінск, Беларусь
Месца пахавання	Мінск
Грамадзянства	СССР  Беларусь
Род дзейнасці	спецыяліст у галіне інфарматыкі
Месца працы	Маскоўскі энергетычны інстытут
Навуковая ступень	доктар тэхнічных навук
Альма-матар	Маскоўскі энергетычны інстытут
Вядомыя вучні	Вадзім Якаўлевіч Пыхцін
Член у	Акадэмія навук СССР
Прэміі
Узнагароды	Піянер камп’ютарнай тэхнікі[d] (2000)

Біяграфія

Скончыў Маскоўскі энергетычны інстытут (1952). З 1959 года галоўны інжынер, з 1964 года начальнік СКБ, з 1965 года начальнік праектнага бюро Мінскага завода вылічальных машын імя Арджанікідзэ, з 1969 г. дырэктар НДІ ЭВМ. У 1987—1996 гадах галоўны навуковы супрацоўнік НДІ ЭВМ, у 1992—1993 гадах дырэктар Навукова-інжынернага цэнтра «Нейракампкамп’ютар». Адначасова ў Інстытуце сучасных ведаў: прарэктар, загадчык кафедры, прафесар.

Навуковая дзейнасць

Асноўныя працы ў галіне распрацоўкі і ўкаранення ў прамысловасць ЭВМ сямейства «Мінск», ЭВМ Адзінай сістэмы і персанальных камп’ютараў на базе мікраэлектронікі, а таксама стварэння вылічальных комплексаў і сістэм, перыферыйнага абсталявання для ЭВМ, вытворчасці тэхнічных сродкаў і метадаў аўтаматызацыі праектавання ЭВМ. Галоўны канструктар ЭВМ «Мінск-1», вылічальнай сістэмы «Мінск-222», сістэмы калектыўнага карыстання «Нарач», шэрагу вазімых ЭВМ, вылічальных комплексаў спецыяльнага прызначэння.

Аўтар больш за 120 навуковых прац і 46 вынаходстваў.

Узнагароды

Дзяржаўная прэмія СССР 1970 г. за стварэнне сямейства універсальных электронных вылічальных машын другога пакалення тыпу «Мінск» і асваенне іх серыйнай вытворчасці.

Узнагароджаны ордэнамі Кастрычніцкай рэвалюцыі (1971), Працоўнага Чырвонага Сцяга (1976), Леніна (1983), «Знак Пашаны» (1966), медалямі.

Асноўныя працы

• Организация вычислительного процесса в сети теплообработки данных // Управляющие системы и машины. 1987. № 1.
• Единый технологический процесс разработки и производства ЭВМ на БИС // Актуальные проблемы развития вычислительной техники. М., 1988.
• Персонально-профессиональные ЭВМ. М.: Высшая школа, 1988 (в соавт.).
• Вычислительная техника в Белоруссии // Информационные технологии и вычислительные системы. 1997, № 1.

Спасылкі

• Георгій Паўлавіч Лапато ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)