«Глюкі» — беларускі рок-гурт. Узнік у 1998 годзе ў Магілёве (Беларусь). Граў у стылі панк-рок і драбч-кор.

Глюкі
Жанры рок, панк-рок, драбч-кор
Гады 19982009
Краіны
Адкуль Магілёў, Беларусь
Мова песень беларуская
Склад Аляксей Паронкін
Кірыл Падліпскі
Раман Жыгараў
Рыгор Грыбаноўскі
Марына Грыбаноўская
Юрый Дзьюд
Станіслаў Мытнік
Аляксандар Старажук

Гісторыя гурту правіць

1998 правіць

Першая згадка пра гурт «Глюкі» прыходзіцца на 1998 год. Першапачатковы склад калектыву: Аляксей Паронкін (вакал, гітара), Кірыл Падліпскі (гітара), Раман Жыгараў (ударныя). Першыя рэпетыцыі гурту праходзілі на кватэры Аляксея Паронкіна. Музыкі эксперыментавалі, гралі альтэрнатыўны рок, панк і рок-н-рол.

1999—2000 правіць

Да гурту далучаецца барабаншчык Рыгор Грыбаноўскі. Пачынаюцца рэпетыцыі на заводзе «Трансмаш». Першы канцэрт сыграны ў доме культуры імя Куйбышава. Гурт «Глюкі» прымае ўдзел у канцэртах мастацкай самадзейнасці на заводзе «Тэхнапрыбор».

2001—2002 правіць

У гурце ўзнікае канфлікт між Падліпскім і Грыбаноўскім. У выніку Падліпскі сыходзіць з «Глюкаў». У гэты ж час да музыкаў далучаецца Марына Грыбаноўская (клавішныя). У «Глюкаў» з'яўляецца свой дырэктар Віталь Шум. У сакавіку 2002 года гурт дае серыю канцэртаў у Магілёве і набывае папулярнасць у горадзе. Выступленні «Глюкаў» вылучаюцца яскравай энергетыкай і сучасным гучаннем.

2003—2007 правіць

З 2003 года «Глюкі» былі ўдзельнікамі шматлікіх магілёўскіх канцэртаў і фестываляў. Вясною 2004 года гурт заняў першае месца па папулярнасці сярод магілёўскіх рок-гуртоў па выніках апытанняў, праведзеных сярод наведвальнікаў канцэртаў. У песнях гурту яскрава вылучаюцца бунтарскія, патрыятычныя і суіцыдальныя матывы. 9 студзеня 2005 года ў магілёўскім клубе «Joker» гурт прадставіў свой першы альбом «Humanoid?..  (бел. (тар.))». У 2006 годзе «Глюкі» выступілі на фестывалі «Рок-каранацыя», а таксама занялі першае месца ў хіт-парадзе «Тузін Хітоў» з песняй «Ападкі». Быў выдадзены канцэртны альбом «Хэдлайн-фэст», цалкам да выдання падрыхтаваны студыйны рэліз альбома «Ідыятызм». На працягу года гурт выступаў з канцэртамі ў Магілёве і Мінску. Музыкаў заўважыла прэса. Вясною 2006 года ў Магілёве створаны фан-клуб «Глюкаў». Да гурту далучаецца магілёўскі музыка Станіслаў Мытнік (вакал, гітара) і барабаншчык Юрый Дзьюд.

У 2007 годзе песня «AntiEMO (Parquet)» з будучага альбома «Idyatyzm» трапіла ў хіт-парад «Тузін Хітоў» і стала найлепшай песняй па выніках года.

2008—2009 правіць

У 2008 годзе «Глюкі» прынялі ўдзел у фестывалі «Басовішча» і занялі на ім трэцяе месца сярод канкурсантаў. Па прыездзе, 23 ліпеня аб сыходзе з гурту паведамілі барабаншчык Юры Дзьюд, спявак Аляксей Паронкін і клавішніца Марына Грыбаноўская. Раман Жыгараў і Станіслаў Мытнік абяцалі скончыць працу над альбомам Idyatyzm. Гурт «Глюкі» ў звычайным складзе спыніў сваё існаванне. Намаганнямі прыхільнікаў у 2009 годзе выдадзены другі альбом гурту на лэйбле БМА. У 2009 з'явілася песня «Краіна 2.0» у апрацоўцы дзвюх магілёўскіх гуртоў Mauzer і Green Che. Кампазіцыя была зроблена ў стылі рэп з захаваннем прыпеву першапачатковай версіі «Краіна 1.0», прэзентаванай у 2006 годзе. Пасля распаду «Глюкаў» Раман Жыгараў і Станіслаў Мытнік з барабаншчыкам Паўлам Емяльянавым з гурту Nevma ўтварылі гурт Akute.

Дыскаграфія правіць

Альбомы правіць

Загаловак Альбом Год выдання Выдавец
Humanoid?..  (бел. (тар.)) 2005 Каўчэг, БМАgroup
Idyjatyzm  (бел. (тар.)) 2009 БМАgroup

Удзел у зборніках правіць

Узнагароды правіць

  • Песня «Ападкі» — найлепшая песня 2007 года па версіі Тузіна Хітоў Архівавана 18 снежня 2015..
  • Песня «AntiEMO (Parquet)» — найлепшая песня 2007 года па версіі Тузіна Хітоў Архівавана 18 снежня 2015..
  • Трэцяе месца на конкурсе выканаўцаў фэстываля «Басовішча-2008».
  • Альбом «Idyatyzm» атрымаў другое месца ў ТОП-10 сайта музычных і народных экспертаў experty.by.
  • Альбом «Idyatyzm» — найлепшы беларускамоўны альбом па версіі experty.by
  • Альбом «Idyatyzm» увайшоў у тройку найлепшых альбомаў 2009 года па версіі Тузіна Хітоў
  • Песня «Краіна 2.0» (Глюкі feat. MAUZER і Green Che) — найлепшая беларуская песня музычнага сезона 2009—2010 гадоў па версіі інтэрнэт-партала «Тузін Хітоў» Архівавана 18 снежня 2015..

Літаратура правіць

Спасылкі правіць