Грузд сапраўдны

Грузд сапраўдны, хрушч (Lactarius resimus) — шапкавы базідыяльны грыб з роду млечнік сямейства сыраежкавых.

Грузд сапраўдны
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Млечнік Від:  Грузд сапраўдны
Міжнародная навуковая назва
Lactarius resimus (Fr.) Fr. 1838
Сістэматыка на Віківідах Выявы на Вікісховішчы NCBI   945805 EOL   1030238 MB   168431

Апісанне

Шапка дыяметрам 5—20 см, пукатая, потым лейкападобная, з густаапушаным, завернутым уніз краем, слізкая, клейкая, белая, з вялікай колькасцю белага, вельмі едкага млечнага соку, які мае лёгкі пах садавіны і на паветры жаўцее. Пласцінкі зыходныя, частыя, белыя, вузкія. Ножка цыліндрычная, у спелых грыбоў пустая, белая, з бураватымі плямамі. Споры шырокаэліпсоідныя, бледна-жаўтаватыя, дробнабародаўчатыя, амаль шарападобныя. Споравы парашок белы.

Пашырэнне

Расце вялікімі групамі пераважна ў яловых і бярозавых лясах. На Беларусі пладаносіць у ліпені—жніўні.

Выкарыстанне

Грузд солены.

Ядомы грыб. Спажываецца солены (перад засолкаю адмочваюць, каб не было гаркаты).

Літаратура

• Прусакова Б. М. Грузды́ // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 133. — 522 с. — 10 000 экз.
• 34. Lactarius resimus (Fr.) Fr., Epicr. syst. mycol. (Upsaliae): 336, 1838. — Груздь настоящий (сырой). — Грузд сапраўдны. // // Флора Беларуси. Грибы. В 7 т. Т. 1. Boletales. Amanitales. Russulales / О. С. Гапиенко, Я. А. Шапорова; под ред. В. И. Парфёнова. — Мн.: Беларуская навука, 2012. — С. 119, 229. — 199 с.: ил. — 700 экз. — ISBN 978-985-08-1458-6, ISBN 978-985-08-1482-1 (т. 1).