Гульня тронаў (тэлесерыял)
«Гульня тронаў», ці «Гульня прастолаў» (англ.: Game of Thrones) — амерыканскі тэлесерыял у жанры фэнтэзі, створаны па матывах цыкла раманаў «Песня Лёду і Агню» пісьменніка Джорджа Марціна. Прэм’ера ў ЗША адбылася на канале HBO 17 красавіка 2011 года[3]. 19 красавіка 2011 года, неўзабаве пасля паказу першага эпізоду, было абвешчана пра падаўжэнне серыяла на другі сезон[4]. У Расіі і СНД серыял дэманструе тэлеканал «Fox Life» з 8 верасня 2011 года[5].
.svg){kind=small}
 Вонкавыя відэафайлы
| |
|---|---|
|
|
Першы тызер серыяла |
Тэлесерыял з’яўляецца адным з самых буйнабюджэтных праектаў на сучасным амерыканскім тэлебачанні і самым дарагім у жанры фэнтэзі. Паказаныя сезоны «Гульні тронаў» атрымалі высокія водгукі крытыкаў, хоць многія з іх адмоўна ставяцца да празмернасці ў серыяле крывавага гвалту і эратычных сцэн. Вакол «Гульні тронаў» узнікла вялікая фан-супольнасць. «Гульня тронаў» намінавалася на шматлікія прэстыжныя ўзнагароды, у тым ліку двойчы на прэмію «Эмі» за лепшы драматычны серыял, атрымала прэмію «Х’юга» за лепшую пастаноўку; акрамя таго, узнагароды атрымлівалі і акцёры, якія здымаліся ў тэлесерыяле — так, Пітэр Дынклейдж, які выканаў у серыяле ролю Тырыяна Ланістэра, быў ганараваны прэміяй «Эмі» за лепшую мужчынскую ролю другога плана і прэміяй «Залаты глобус» за лепшую мужчынскую ролю другога плана.
СюжэтПравіць
Сюжэт заснаваны на сазе Джорджа Марціна «Песня Лёду і Агню»; кожнаму сезону супастаўляецца адна кніга гепталогіі, з якіх на гэты момант напісаны пяць.
Дзеянне кніг адбываецца на фоне палітычных інтрыг і, пазней, грамадзянскай вайны ў барацьбе за ўладу над выдуманым кантынентам Вестэрас. Роберт Баратэан, кароль Сямі Каралеўстваў, просіць свайго старога сябра Эдарда Старка стаць яго новым Правіцай — галоўным саветнікам. Эдард, падазраючы, што яго папярэднік на гэтым пасту быў забіты, прымае пасаду, каб расследаваць акалічнасці забойства і абараніць караля. У той жа час сваякі каралевы, Ланістэры, спрабуюць узяць Вестэрас пад свой поўны кантроль. Паралельна за морам апошнія прадстаўнікі раней зрынутай Баратэанам каралеўскай сям’і Таргарыеныў адшукваюць саюзнікаў, здольных вярнуць ім трон Сямі Каралеўстваў. Канфлікт паміж гэтымі і іншымі сем’ямі, у тым ліку Грэйджоямі, Талі, Арэнамі і Тырэламі, прыводзіць да вайны. Тым часам, на поўначы, абуджаецца забытае зло, якое стала легендай. Сярод вайны і палітычнай блытаніны, невялікае брацтва, Начны дазор, застаецца адзіным, што стаіць паміж светам людзей і гэтым жахам.
Беларуская агучкаПравіць
Пра пераклад і агучку 8 сезону серыяла 29 красавіка 2019 года паведаміл відэасэрвіс VOKA. Серыі будуць дадавацца на ўласную платформу VOKA па меры выхаду[6].
Гл. таксамаПравіць
Зноскі
- ↑ Ramin Djawadi taking over ‘Game of Thrones’, filmmusicreporter.wordpress.com (February 3, 2011).
- ↑ fernsehserien.de Праверана 13 чэрвеня 2020.
- ↑ а б Game of Thrones Premiere Date Announced Афіцыйны блог пра стварэнне серыяла Making game of thrones. 07.01.2010
- ↑ Seidman, Robert. Updated: HBO Renews "Game of Thrones" For Second Season; Premiere Grossed 4.3 Million on HBO Sunday Night(недаступная спасылка). TV by the Numbers (19 красавіка 2011). Архівавана з першакрыніцы 6 красавіка 2012. Праверана April 20, 2011.
- ↑ Гульня Прастолаў/Foxlife(недаступная спасылка). Архівавана з першакрыніцы 10 красавіка 2012. Праверана 4 лістапада 2011.
- ↑ Новы сезон «Гульні тронаў» выходзіць па-беларуску.(недаступная спасылка)
СпасылкіПравіць
На Вікісховішчы ёсць медыяфайлы па тэме Гульня тронаў (тэлесерыял)
- Афіцыйны вэб-сайт серыяла (англ.)
- Афіцыйны вэб-сайт пра вытворчасць серыяла (англ.)
- Game of Thrones. Westeros.org — раздзел найбуйнейшага фэн-сайта Джорджа Марціна, прысвечаны серыялу (англ.)
- 7kingdoms.ru — рускамоўны фэн-сайт серыяла