Густаты (возера)

Густа́ты, Густа́та — возера ў Беларусі, у Браслаўскім раёне Віцебскай вобласці ў басейне ракі Густатка (выцякае з возера), за 22 км на паўднёвы ўсход ад горада Браслаў.

Густаты
Морфаметрыя
Вышыня над узроўнем мора	133 м
Даўжыня	3,15 км
Шырыня	1,05 км
Плошча	2,4 км²
Даўжыня берагавой лініі	7,7 км
Найбольшая глыбіня	2,8 м
Гідралогія
Тып мінералізацыі	прэснае
Салёнасць	да 0,25 ‰
Празрыстасць	1,5 м
Басейн
Плошча вадазбору	24,7 км²
Упадаюць	ручаі
Выцякаюць	Густатка
Размяшчэнне
Краіна	Беларусь
Рэгіён	Віцебская вобласць
Густаты
Густаты

Плошча паверхні возера 2,4 км². Даўжыня 3,15 км, найбольшая шырыня 1,05 км. Даўжыня берагавой лініі 7,7 км. Найбольшая глыбіня 2,8 м. Плошча вадазбору 24,7 км².
Катлавіна возера рэшткавага тыпу, выцягнутая з паўночнага ўсходу на паўднёвы захад і складаецца з 2 плёсаў. Схілы катлавіны спадзістыя вышынёй 2—5 метраў. Берагавая лінія слабазвілістая. Берагі нізкія і забалочаныя. Вакол возера забалочаная пойма. Дно возера плоскае, пакрытае слоем сапрапелю таўшчынёй да 4 метраў.
Возера дыстрафіруючае, слабапраточнае. Упадаюць ручаі, выцякае рака Густатка. Возера цалкам зарастае.

У возеры водзяцца лінь, лешч, шчупак, карась, плотка, краснапёрка і іншыя віды рыб.

Каля возера вёскі Густаты і Рафалова.

Літаратура

• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 148. — 522 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 17. — 72 с. — 10 000 экз. — ISBN 978-985-508-136-5. (руск.)

Спасылкі

• Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
• Морфометрические параметры озер Витебской области // Справочник «Водные объекты Республики Беларусь» Архівавана 8 сакавіка 2021. (руск.)