Дамінік Дука

Дамінік Дука (чэшск.: Dominik Duka; 26 красавіка 1943, Градзец-Кралавэ, Пратэктарат Багеміі і Маравіі) — чэшскі кардынал. Біскуп Градзец-Кралавэ з 6 чэрвеня 1998 па 13 лютага 2010. Архібіскуп пражскі з 13 лютага 2010. Кардынал-святар з тытулам царквы Ss. Marcellino e Pietro з 18 лютага 2012.

Дамінік Дука
Dominik Duka
Кардынал-святар з тытулам царквы Ss. Marcellino e Pietro.
Архібіскуп пражскі і прымас Чэхіі
з 13 лютага 2010
Царква	Рымска-каталіцкая царква
Папярэднік	Міласлаў Влк
Прафесія	багаслоў, педагог, пісьменнік, ксёндз, dominican friar
Месца працы	Універсітэт Палацкага[d]
Нараджэнне	26 красавіка 1943(1943-04-26) (77 гадоў) Градзец-Кралавэ, Пратэктарат Багеміі і Маравіі
Прыняцце свяшчэннага сану	22 чэрвеня 1970
Прыняцце манаства	6 студзеня 1969
Епіскапская хіратонія	26 верасня 1998
Кардынал з	18 лютага 2012
Аўтограф
Узнагароды	Honorary doctor of the University of Fribourg[d] (15 лістапада 2010)
Выявы на Вікісховішчы

Біяграфія

Дамінік Дука нарадзіўся 26 красавіка 1943 года ў горадзе Градзец-Кралавэ ва Усходняй Багеміі. 6 студзеня 1969 года ён прынёс першыя зарокі ў ордэне Прапаведнікаў і 22 чэрвеня 1970 года быў пасвечаны ў святары.

На працягу пяці гадоў ён працаваў у розных прыходах пражскай архідыяцэзіі, а 7 студзеня 1972 года прынёс вечныя зарокі ў ордэне Прапаведнікаў. Вучыўся на багаслоўскім факультэце ў Літамержыцах, а ў 1979 годзе абараніў ліцэнцыят па багаслоўю ў Варшаве.

У 1975 годзе дзяржаўныя ўлады забаранілі яму працаваць святаром, і на працягу амаль пятнаццаці гадоў, да 1989 года, Дамінік Дука працаваў чарцёжнікам на заводзе «Шкода». Адначасова з гэтым ён быў падпольным магістрам навіцыяў і выкладчыкам багаслоўя. З 1986 па 1998 гады быў правінцыялам дамініканцаў Багеміі і Маравіі. З 1990 па 1999 год працаваў дацэнтам на багаслоўскім факультэце ў Оламаўцы, выкладаў уводзіны ў Свяшчэннае Пісанне і біблейскую антрапалогію. 6 чэрвеня 1998 года быў прызначаны біскупам у Градзец-Кралавэ і 26 верасня таго ж года прыняў біскупскае пасвячэнне.

13 лютага 2010 года змяніў кардынала Міласлава Влка на пасадзе Архібіскупа пражскага.

Кардынал

6 студзеня 2012 года было абвешчана, што Папа Рымскі Бенедыкт XVI узвядзе Дамініка Дуку ў сан кардынала на кансісторыі 18 лютага 2012 года.

18 лютага 2012 года, у саборы Святога Пятра адбылася кансісторыя, на якой Дамінік Дука быў узведзены ў сан кардынала-святара з тытулам царквы Ss. Marcellino e Pietro. На новага Князя Царквы была ўскладзена кардынальская шапка і ўручаны кардынальскі пярсцёнак.

Зноскі

Папярэднік: кардынал Міласлаў Влк

Архібіскуп пражскі 13 лютага 2010 —

Пераемнік: —