Адкрыць галоўнае меню

Да́нчык, сапр. Багдан Андрусішын (3 студзеня 1958, Нью-Ёрк) — беларускі спявак, журналіст і грамадскі дзеяч.

Данчык
англ.: Bohdan Andrusyshyn
бел.: Багдан Андрусішын
трансліт.: Bahdan Andrusišyn
Данчык. Канцэрт у мінскім Палацы Прафсаюзаў, 1989
Данчык. Канцэрт у мінскім Палацы Прафсаюзаў, 1989
Імя пры нараджэнні: Багдан Андрусышын
Род дзейнасці: журналіст, спявак
Дата нараджэння: 3 студзеня 1958(1958-01-03) (61 год)
Месца нараджэння:
Грамадзянства: Сцяг ЗША ЗША
Бацька: Паўло Андрусышын (1924-2004)
Маці: Юлія Андрусышын (1932-2017[1])
Месца працы:
Альма-матар:
Узнагароды і прэміі:
Медаль да стагоддзя БНР

БіяграфіяПравіць

Нарадзіўся, вучыўся і пражыў большую частку жыцця ў Нью-Ёрку. Яго бацька Паўло — украінец, а маці Юлія — беларуска. З дзяцінства Данчык ведаў і беларускую, і ўкраінскую мовы.

Калі яму было 16 год, трапіў на канцэрт «Песняроў» — ансамбль гастраляваў у Амерыцы. А ўжо праз год Данчык запісаў свой першы альбом, які стаў першым беларускім дыскам у ЗША.

 
Аўтограф Данчыка

У 1981 скончыў факультэт журналістыкі Нью-Ёркскага ўніверсітэта.

У 1989 наведаў Беларусь, дзе выступіў з канцэртамі. Тады Данчык выступаў​ таксама і ў Вільні. Другі раз наведаў з канцэртамі Беларусь у 1996. У 1997 заявіў, што спыняе сваю музычную кар’еру.

Асноўным заняткам Данчыка стала журналістыка. Супрацоўнік, намеснік дырэктара Беларускай службы Радыё «Свабода». Жыве ў Празе.

ДыскаграфіяПравіць

УзнагародыПравіць

Сям’яПравіць

Мае старэйшага брата Юрку, які працаваў у дзяржаўных органах ЗША[3].

Бабуля Данчыка — Яніна Каханоўская (1909—2005), пляменніца ўтваральнікаў Беларускай народнай рэспублікі Антона і Івана Луцкевічаў. У дзяцінстве даглядалася Максімам Багдановічам, ведала Янку Купалу, была найбліжэйшай сяброўкай Наталлі Арсенневай, працавала ў Нью-Ёрскім бюро Радыё Свабода[3]

Прабабуля Данчыка — Эмілія Луцкевіч-Шабуня (1886—1974), малодшая сястра Антона і Івана Луцкевічаў[4].

Гомасексуал. Зрабіў публічны камінг-аўт у 2019 годзе ў інтэрв’ю Радыё «Свабода»[5].

ЗноскіПравіць

  1. У Нью-Ёрку памерла Юлія Андрусішына, маці спевака Данчыка (бел.) . Наша Ніва (16 верасня 2017). Праверана 3 чэрвеня 2019.
  2. Сяргей Навумчык Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100 (бел.) . Радыё Свабода (23 сакавіка 2019). Праверана 3 чэрвеня 2019.
  3. 3,0 3,1 Данчык (бел.) . Радыё Свабода (30 верасня 2009). Праверана 3 чэрвеня 2019.
  4. Анатоль Сідарэвіч Сям’я Луцкевічаў: у якіх умовах гадаваліся стваральнікі беларускай незалежнасці (бел.) . Наша Ніва (15 лютага 2014). Праверана 3 чэрвеня 2019.
  5. Данчык прызнаўся, што ён гей, і расказаў пра першы сексуальны вопыт з школьнай настаўніцай