Даўгінаўскі бой
Даўгінаўскі бой — бой паміж партызанскай брыгадай «Жалязняк» і нямецка-фашысцкімі акупантамі ў гарадскім пасёлку Даўгінава Крывіцкага раёна 26 сакавіка 1943 года.
| Даўгінаўскі бой | |||
|---|---|---|---|
| Асноўны канфлікт: Вялікая Айчынная вайна | |||
 .svg){kind=icon} ' | |||
| Дата | 26 сакавіка 1943 | ||
| Месца | гарадскі пасёлак Даўгінава | ||
| Вынік | перамога партызан | ||
| Праціўнікі | |||
|
|||
.svg){kind=small}
Перадумовы правіць
Добра ўмацаваны нямецкі гарнізон у Даўгінаве (каля 300 чалавек) быў адным з апорных пунктаў, якія прыкрывалі падыход да чыгункі Маладзечна — Полацк, базай для правядзення карных аперацый, захавання і перапрацоўкі сельгаспрадукцыі. Пасля правядзення Бягомльскай аперацыі і разгрому партызанамі Докшыцкага гарнізона знаходзіўся ў павышанай баявой гатоўнасці.
Бой правіць
Камандаванне партызанскай брыгады «Жалязняк» прыняло рашэнне нанесці ўдар не ўначы, калі гітлераўцы былі асабліва пільнымі, а за некалькі гадзін да наступлення цемры. Для прыкрыцця на небяспечныя напрамкі былі высунуты засадныя групы. У 18 гадзін пры падтрымцы батарэі 45-мм гармат 3 атрады з паўночнага захаду, паўночнага ўсходу і поўдня атакавалі Даўгінава, уварваліся ў цэнтр і пачалі знішчаць склады і прадпрыемствы. 27 сакавіка 1943 года да 7 гадзін усе атрады і засадныя групы вярнуліся амаль без страт на зборны пункт. Актыўнымі баявымі дзеяннямі партызанскіх брыгад «Жалязняк», «Народныя мсціўцы » імя В. Т. Варанянскага, імя Кутузава гарнізон у Даўгінаве быў паралізаваны да вызвалення ад нямецка-фашысцкіх захопнікаў Чырвонай Арміяй.
Літаратура правіць
- У. С. Пасэ. Даўгінаўскі бой // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 189-190. — 680 с. — 20 000 экз. — ISBN 5-85700-012-2.