Дом па Савецкай вуліцы, 12 (Гомель)

Дом па Савецкай вуліцы, 12  — будынак у Гомелі, размешчаны ў гістарычным цэнтры горада.

Славутасць
Дом па Савецкай вуліцы, 12
52°25′39″ пн. ш. 31°00′47″ у. д.
Краіна	Беларусь
Месцазнаходжанне	Гомель
Архітэктурны стыль	эклектыка
Дата пабудовы	XX стагоддзе
Статус	Гісторыка-культурная каштоўнасць Беларусі, шыфр 313Г000073
Медыяфайлы на Вікісховішчы

Пабудаваны ў пачатку XX ст. з цэглы. У Другую сусветную вайну часткова разбураны, адноўлены ў 1950 годзе. У архітэктуры будынка выявіліся рысы стылізатарска-эклектычнай плыні.

Архітэктура

П-падобны ў плане трохпавярховы будынак. Фасады папавярхова расчлянёны карнізнымі паясамі і лапаткамі. 2-і паверх расчлянёны лучковымі, 3-і — паўцыркульнымі аконнымі праёмамі. Фрыз антаблемента цэнтральнай часткі вырашаны ў выглядзе аркатурнага пояса з дэкаратыўнымі машыкулямі. Бакавыя часткі завершаны вежамі з байніцамі. У бакавых нішах скульптурныя ідылічныя выявы сялян з дарамі прыроды. Унутраная планіроўка анфіладная. На 1-м паверсе — гандлёвыя ўстановы, 2-і і 3-і выкарыстоўваюцца пад жыллё.

• 
• 
• 
• 
• 

Літаратура

• 41. Забудова вуліцы Савецкай // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Гомельская вобласць. — 383 с., іл.

Спасылкі

• На Вікісховішчы ёсць медыяфайлы па тэме Дом па Савецкай вуліцы, 12 (Гомель)