Дукорскі маёнтак

«Дукорскі маёнтак» — музейны комплекс, які знаходзіцца ў аграгарадку Дукоры Пухавіцкага раёна Мінскай вобласці Рэспублікі Беларусь.

Музейны комплекс «Дукорскі маёнтак»
Брама і стайня
Заснаваны	2015 год
Месцазнаходжанне	Рэспубліка Беларусь, Мінская вобласць, Пухавіцкі раён, Дукора
Адрас	вул. Школьная, 15
Адкрыты	аўторак-нядзеля — з 10.00 да 18.00 (уваход да 17:00)
gk-agroproduct.by

Геаграфія

Знаходзіцца за 30 км ад Мінска, 25 км на паўночны захад ад Мар’інай Горкі, на скрыжаванні аўтамабільных дарог Мінск — Бабруйск і Рудзенск — Смілавічы, каля ракі Свіслач.

Гісторыя

Гл. таксама: Палацава-паркавы комплекс Оштарпаў (Дукора)

25 чэрвеня 2015 года адбылося адкрыццё музейнага комплексу. Афіцыйная цырымонія адкрыцця аб’екта адбылася з удзелам прадстаўнікоў Адміністрацыі Прэзідэнта Беларусі, Міністэрства культуры, Пухавіцкага райвыканкама, іншых ведамстваў і міністэрстваў, а таксама шматлікіх гасцей, моладзі.

• Палацава-паркавы комплекс Оштарпаў на старых здымках
• 
  Сядзіба Ашторпаў. Н. Орда, 1876
• 
  Палац. Фота каля 1913 г.
• 
  Палац, галоўны фасад
• 
  Палац, бакавы фасад
• 
  Школа ў палацы, 1932

Аб’екты

• Музей. Мае два пакоі, экспазіцыя аднаго з якіх прысвечана ранняй гісторыі Дукоры і яе ўладальнікам, экспазіцыя другога распавядае пра гісторыю мястэчка ў савецкі час. Сярод экспанатаў — аб’ёмны макет сядзібы, партрэты, генеалагічныя дрэвы і гербы яе ўладальнікаў. У астатніх залах утрымліваюцца часовыя экспазіцыі шляхецкіх касцюмаў і прадметаў побыту.

• Брама. Адноўлена падчас нядаўняй рэканструкцыі, да гэтага была паўразбуранай. Дакладная дата пабудовы невядома, аднак мяркуецца, што пабудова была закладзена Францішкам Ашторпам у канцы XVIII — пачатку XIX ст. Сёння на пяці яе ярусах размешчана адна з тэматычных музейных экспазіцый.

• Бровар. Наладжаны тэхналагічны працэс вырабу гарэлкі з выкарыстоўваннем гістарычных матэрыялаў. 10 чэрвеня 2017 г. у бровары выбухнуў кацёл самагоннага апарата, у выніку чаго апёкі і траўмы атрымаў працаўнік.

• Вуліца майстроў. Складаецца з ганчарнай майстэрні, майстэрні вышыўкі, кузні і мабільнай майстэрні па халодным кляпанні манет. Таксама маецца «перакулены дом».

Галерэя

• Аб’екты маёнтка
• 
  Майстэрня вышыўкі
• 
  Брама
• 
  Бровар
• 
  Музей
• 
  Стайня
• 
  Капліца ў гонар Перамянення Пана
• 
  Кузня
• 
  Карчма
• 
  Ганчарная майстэрня
• 
  Перакулены дом