Елісей Лаўрышаўскі

Елісей Лаўрышаўскі (? — ноч на 23 кастрычніка каля 1250) — праваслаўны святы.

Елісей Лаўрышаўскі
Помнік Елісею Лаўрышаўскаму ў Навагрудку
Дата смерці	кастрычнік 1250
Месца смерці	Навагрудскі раён, Беларусь
Месца пахавання	Навагрудскі раён
Шануецца	у праваслаўнай царкве
У ліку	прападобных
Дзень памяці	5 лістапада (23 кастрычніка)
Бацька	Транята

Паводле Жыція, сын князя Трайдзеня і займаў высокую пасаду пры двары вялікага князя літоўскага Міндоўга. Стаўшы хрысціянінам, ён пакінуў двор і адышоў у пустынь, дзе яго знайшоў нейкі праваслаўны манах, разам з якім Елісей заснаваў Лаўрышаўскі манастыр. Сярод братоў манастыра быў і князь Войшалк.

Елісей быў забіты сваім гадаванцам, юнаком-служкай ў ноч на 23 кастрычніка каля 1250 года. Пасля забойства мошчы прападобнага былі ўслаўленыя цудаздзяйснымі.

Кананізацыя

Калі ў 1505 годзе татары спустошылі наваколлі Навагрудка і наблізіліся да Лаўрышаўскага манастыра, то ім падалося, што манастырскі двор запоўнены адборнай конніцай, і яны адступілі. Гэта цуд, напэўна, паслужыў падставай для кананізацыі прападобнага Елісея мітрапалітам Іосіфам Солтанам на саборы, які адбыўся ў Вільні(?) ў 1514 годзе.

Гл. таксама

• Свята-Елісееўскі Лаўрышаўскі мужчынскі манастыр