Жуліу Прэстыс

Жуліу Прэстыс ды Албукеркі
Жуліу Прэстыс ды Албукеркі
	парт.: Júlio Prestes de Albuquerque
	абраны 1 сакавіка 1930
Віцэ-прэзідэнт	Вітал Суарыс
Папярэднік	Вашынгтан Луіс
Пераемнік	ваенная хунта
Нараджэнне	15 сакавіка 1882; Ітапетынінга[d], штат Сан-Паўлу, Бразілія;
Смерць	9 лютага 1946 (63 гады); Сан-Паўлу, штат Сан-Паўлу, Бразілія;
Імя пры нараджэнні	парт.: Júlio Prestes de Albuquerque
Партыя	Republican Party of São Paulo[d];
Адукацыя	юрыдычны факультэт Універсітэта Сан-Паўлу[d]; Універсітэт Сан-Паўлу[d];
Дзейнасць	адвакат, палітык
Аўтограф
	Медыяфайлы на Вікісховішчы

Жу́ліу Прэ́стыс ды Албуке́ркі (парт.: Júlio Prestes de Albuquerque; 15 сакавіка 1882, Ітапетынінга, Сан-Паўлу — 9 лютага 1946, Сан-Паўлу) — бразільскі адвакат і палітычны дзеяч. Быў выбраны прэзідэнтам Бразіліі ў 1930 годзе, але не заняў пасаду ў сувязі з рэвалюцыяй.

Біяграфія правіць

Жуліу Прэстыс скончыў Юрыдычны факультэт універсітэта Сан-Паўлу ў 1906 годзе. У 1909 годзе быў выбраны дэпутатам заканадаўчага сходу штата Сан-Паўлу. У 1924—1927 гадах засядаў у Палаце дэпутатаў Бразіліі. 14 ліпеня 1927 года заняў пасаду губернатара Сан-Паўлу.

Кандыдатура Жуліу Прэстыса на пасаду прэзідэнта Бразіліі была падтрымана прэзідэнтам Вашынгтонам Луісам у пачатку 1930 года. 1 сакавіка ў краіне прайшлі выбары, і Прэстыс атрымаў на іх перамогу.

Аднак яго абранне супярэчыла «палітыцы кавы з малаком», паводле якой кандыдатам ад дзеючай улады павінен быў стаць губернатар Мінас-Жэрайса Антоніу Карлус Рыбейру ды Андрада. Апазіцыйная партыя Ліберальны альянс, да якой далучыўся Антоніу Карлус, не прызнала вынікі выбараў і абвінаваціла ўрад у фальсіфікацыі вынікаў. Гэтыя падзеі прывялі да рэвалюцыі, якая зрынула прэзідэнта Вашынгтана Луіса за месяц да перадачы ўлады Прэстысу.

Прэстыс быў вымушаны звярнуцца ў брытанскае консульства для прадастаўлення яму палітычнага прытулку. У Бразілію ён вярнуўся толькі ў 1934 годзе, пасля прыняцця канстытуцыі. На палітычную арэну Прэстыс змог вярнуцца толькі ў 1945 годзе, заснаваўшы партыю Нацыянал-дэмакратычны саюз. Аднак Прэстыс не паспеў прыняць актыўнага ўдзелу ў палітычным жыцці краіны, таму што памёр на наступны год.

Зноскі

Спасылкі правіць

Braziliada — Усе прэзідэнты Бразіліі Архівавана 30 мая 2017.