Жыццё беларуса
«Жыццё беларуса» — газета на беларускай мове; выдавалася ў Вільні, першы нумар выйшаў 19 жніўня 1925 года. Выходзіла 3 разы на тыдзень, апошні нумар выдадзены 12 лістапада 1925 (агулам выдана 20 нумароў, з іх 5 канфіскаваныя). Газета закрытая з-за ўціску польскіх уладаў. Першая газета, якая выдавалася ад імя Беларускай Сялянска-Работніцкай Грамадой. Рэдактары Язэп Туркевіч, Уладзімір Варава (з № 8 за 3.10.1925).
| «Жыццё беларуса» | |
|---|---|
 | |
| Тып | газета |
| Рэдактар | Язэп Туркевіч, Уладзімір Варава |
| Заснавана | 19 жніўня 1925 |
| Спыненне публікацый | 12 лістапада 1925 |
| Палітычная прыналежнасць | Беларуская сялянска-работніцкая грамада |
| Мова | беларуская |
| Галоўны офіс | Вільня, Віленская вул. п. 6 (Wilenska 12, m. 6). |
 Медыяфайлы на Вікісховішчы | |
Выступала ў абарону правоў беларусаў, у т.л. права на родную мову. Інфармавала пра страйк у Крынках, барацьбу з камуністамі на Беласточчыне, беларускі грамадска-культурніцкі рух у Літве і Латвіі. Сярод змяшчаных у газеце матэрыялаў — прамовы з трыбуны польскага Сойма беларускіх дэпутатаў А. Станкевіча, Ф. Ярэміча, нарыс А. Луцкевіча пра гісторыю нацыянальнага беларускага мастацтва, літаратурныя творы Я. Купалы, Ц. Гартнага, У. Сыча.
Спасылкі
правіць
На Вікісховішчы ёсць медыяфайлы па тэме Жыццё беларуса- «Жыцьцё беларуса» (1925) // Бібліятэка Акадэміі навук Літвы імя Урублеўскіх
