Засуха

Засуха — працяглы (ад некалькіх тыдняў да двух-трох месяцаў) перыяд ўстойлівага надвор'я з высокімі (для дадзенай мясцовасці) тэмпературамі паветра і малой колькасцю ападкаў (дажджу), у выніку чаго зніжаюцца вільготазапасы глебы і ўзнікае прыгнёт і гібель культурных раслін.

Патрэсканая зямля падчас засухі

Пачатак засухі звычайна звязаны з усталяваннем маларухомага высокага антыцыклону. Багацце сонечнага цяпла і вільготнасць паветра, якая паступова зніжаецца, ствараюць падвышаную выпаральнасць (атмасферная засуха), у сувязі з чым запасы глебавай вільгаці без папаўнення іх дажджамі высільваюцца (глебавая засуха). Паступова, па меры узмацнення глебавай засухі, перасыхаюць сажалкі, рэкі, азёры, крыніцы — пачынаецца гідралагічная засуха.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• За́суха, засушівы перыяд // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 324. — 800 с. — 5 000 экз. — ISBN 985-11-0026-9.