Заходні фронт СПА
Заходні фронт СПА — аператыўна-стратэгічнае аб’яднанне войскаў СПА ва узброеных сілах СССР падчас Вялікай Айчыннай вайны.
| Заходні фронт СПА | |
|---|---|
 | |
| Краіна | |
| Войны | Другая сусветная вайна |
Першае фарміраванне
правіцьЗаходні фронт СПА першага фарміравання быў утвораны пастановай ДКА ад 29 чэрвеня 1943 года шляхам падзелу войскаў СПА тэрыторыі краіны на Заходні і Усходні франты СПА. Мяжа паміж імі была ўстаноўлена па лініі гарадоў Мязень, Тоцьма, Салігаліч, Шуя, Сасава, Паворына, Армавір, Кіславодск, Сочы. Штаб фронту дыслакаваўся ў Маскве.
Склад фронту
правіцьНа 1 ліпеня 1943 года Заходні фронт СПА уключаў Маскоўскую армію СПА, 3 карпусных раёны СПА, 8-дывізіённых раёнаў СПА і чатырнаццаць злучэнняў знішчальнай авіяцыі СПА. Мелася 1012 экіпажаў знішчальнікаў, 3106 зенітных гармат сярэдняга калібра, 1066 — малога калібра, 2280 зенітных кулямётаў, 1573 пражэктараў і 1834 аэрастатаў загароды[1].
Камандны склад
правіць- Камандуючы — генерал-палкоўнік М. С. Грамадзін (чэрвень 1943 — сакавік 1944)
- Член Ваеннага савета — генерал-маёр, з лістапада 1944 генерал-лейтэнант І. А. Арлоў (чэрвень 1943 — сакавік 1944)
- Начальнікі штаба:
- генерал-лейтэнант М.Н. Нагорны (чэрвень—кастрычнік 1943)
- палкоўнік, з кастрычніка 1943 года генерал-маёр В. С. Гаўрылаў (кастрычнік 1943 — сакавік 1944).
Баявая задача фронту
правіцьНа войскі фронту ўскладалася супрацьпаветраная абарона Масквы, Маскоўскага і Яраслаўскага прамысловых раёнаў, Мурманска, а таксама прыфрантавых аб’ектаў і камунікацый. Ленінградская армія СПА і Ладажскі дывізіённы раён СПА заставаліся ў аператыўным падначаленні Ваеннага савета Ленінградскага фронту. З пачаткам агульнага наступу савецкіх войскаў летам 1943 года фронту была даручана супрацьпаветраная абарона вызваленых раёнаў Левабярэжнай Украіны.
Баявыя дзеянні
правіцьЗ верасня 1943 года па сакавік 1944 года фронту было перададзена з Усходняга фронту СПА звыш 100 асобных часцей СПА і 186 зенітных кулямётных падраздзяленняў. У летне-восеньскай кампаніі 1943 года і зімовай кампаніі 1944 года войскі Заходняга фронту СПА збілі больш за 1200 нямецкіх самалётаў. Толькі пры адбіцці авіяналётаў на чыгунку ў паўднёвай частцы РСФСР зімой 1944 года было збіта 205 самалётаў праціўніка[2].
29 сакавіка 1944 года па рашэнні ДКА на базе Заходняга і Усходняга франтоў СПА былі ўтвораны Паўночны і Паўднёвы франты СПА.
Другое фарміраванне
правіцьЗаходні фронт СПА другога фарміравання створаны пастановай ДКА № 7205сс ад 24 снежня 1944 года на базе Паўночнага фронту СПА. Штаба фронту дыслакаваўся ў Маскве, а з 11 студзеня 1945 года ў Вільнюсе[3].
Склад фронту
правіцьУ склад фронту ўваходзілі:
- 5 карпусоў
- 4 дывізіі
- 8 знішчальных авіядывізий
Камандны склад
правіць- Камандуючы — генерал-палкоўнік артылерыі Д. А. Жураўлёў (снежань 1944 — да канца вайны).
- Член Ваеннага савета — генерал-маёр, з лістапада 1944 генерал-лейтэнант Арлоў Н. А. (снежань 1944 — да канца вайны).
- Начальнік штаба — генерал-маёр Гаўрылаў В. С. (снежань 1944 — да канца вайны).
Баявая задача фронту
правіцьПрыкрываць ад удараў праціўніка з паветра войскі і аб’екты ў прыфрантавой паласе. Войскі Заходняга фронту СПА прыцягваліся таксама для прыкрыцця груповак франтоў у стратэгічных аперацыях савецкіх войскаў 1944—1945 гадоў і прымалі ў гэтых аперацыях непасрэдны ўдзел.
Баявыя дзеянні
правіцьУ Вісла-Одэрскай стратэгічнай аперацыі 1945 года толькі ў паласе 1-га Беларускага фронту дзейнічала больш за 900 зенітных артылерыйскіх гармат Заходняга фронту СПА, што дазволіла вызваліць 3 зенітныя артылерыйскія дывізіі вайсковай СПА і выкарыстоўваць іх для непасрэднага прыкрыцця надыходзячых войскаў. У Берлінскай стратэгічнай аперацыі 1945 года для забеспячэння начной атакі войскаў 1-га Беларускага фронту было прыцягнута больш за 140 магутных зенітных пражэктараў Заходняга фронту СПА.
Перафармаванне
правіцьУ снежні 1945 года Заходні фронт СПА быў перафармаваны ў Заходнюю акругу СПА[3].
Зноскі
- ↑ Группа авторов. Войска противовоздушной обороны страны. — М: Военное издательство, 1968. — С. 199.
- ↑ Светлишин Н. Фронты ПВО и управление войсками. // Военно-исторический журнал. — 1976. — № 6. — С.37-45.
- ↑ а б Голотюк В.Л., Цапаев Д. А. Командный состав Войск ПВО Красной Армии в годы Великой Отечественной и советско-японской войн 1941-1945 гг. / Голотюк В. Л., Цапаев Д. А.. — М. : АРТКРАС, 2013. — Кн. (Военно-исторический труд). — С. 68. — 462 с. — ISBN 978-5-9903475-2-6.
Літаратура
правіць- Западный фронт ПВО // Великая Отечественная война, 1941—1945 : энциклопедия / под ред. М. М. Козлова. — М. : Советская энциклопедия, 1985. — С. 278-279. — 500 000 экз.
- Светлишин Н. Фронты ПВО и управление войсками. // Военно-исторический журнал. — 1976. — № 6. — С.37-45.
Спасылкі
правіць- Заходні фронт СПА(недаступная спасылка)