Звычайны цвыркун (Locustella naevia) — птушка сямейства Sylviidae.
Звычайны цвыркун даўжынёй прыкладна ад 12 да 14 см і вагой ад 14 да 20 грамаў. Верхні бок паласаты аліўкава-карычневага колеру, ніжні бок афарбаваны ў жоўта-белы колер. Мае рудыя ногі і клінаваты хвост. Самец і самка маюць аднолькавую афарбоўку. Спеў птушкі нагадвае стракатанне цвыркуноў. Нясмелая птушка, перасоўваецца ахвотней па зямлі і пазбягае палётаў.
Цвыркун звычайны распаўсюджаны ў Еўропе. На зімоўку мігруе ў трапічную Афрыку. Жыве на раўнінах, сырых лугах, балотах і па берагах рэк.
Сілкуецца павукамі, малюскамі, насякомымі і іх лічынкамі.
Палавая спеласць надыходзіць праз адзін год. Перыяд гнездавання з мая па ліпень. Пабудаванае з сцяблінак, лістоты і травы гняздо ў форме кубачка добра схавана на зямлі ў густой траве. Самка адкладае ад 4 да 6 бела-фіялетавых, у кропачку яек. Кладку выседжваюць ад 13 да 15 дзён абодва бацькі. Маладыя птушкі застаюцца ў гняздзе ад 10 да 12 дзён.