Злынкаўскі раён
Злы́нкаўскі раён (руск.: Злынковский район) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у Бранскай вобласці Расіі.
| Злынкаўскі раён | |||||
|---|---|---|---|---|---|
|
|||||
| Краіна |
 Расія |
||||
| Статус | муніцыпальны раён | ||||
| Уваходзіць у | Бранскую вобласць | ||||
| Уключае | 6 муніцыпальных утварэнняў | ||||
| Адміністрацыйны цэнтр | горад Злынка | ||||
| Дата ўтварэння | 1939 | ||||
| Глава адміністрацыі | Грышчанка Аляксандр Пятровіч | ||||
| Глава раёна | Мерзлякоў Юрый Валянцінавіч | ||||
| Насельніцтва |
|
||||
| Плошча |
735 км² (27-е месца) |
||||
 |
|||||
| Часавы пояс | MSK (UTC+3) | ||||
| Тэлефонны код | 48358 | ||||
| Афіцыйны сайт (руск.) | |||||
 Медыяфайлы на Вікісховішчы | |||||
.jpg)
Адміністрацыйны цэнтр — горад Злынка.
Геаграфія правіць
Размешчаны на паўднёвым захадзе вобласці. Плошча раёна — 735 км² (найменшы раён вобласці па плошчы). Асноўныя рэкі — Іпуць, Няцеша, Злынка.
Гісторыя правіць
Амаль уся тэрыторыя цяперашняга Злынкаўскага раёна да 1919 года ўваходзіла ў Навазыбкаўскі павет Чарнігаўскай губерні, а ў 1919 годзе была перададзена ў склад Гомельскай губерні РСФСР. У 1926 годзе, у сувязі з расфарміраваннем Гомельскай губерні, увайшла ў склад Бранскай губерні.
У 1929 годзе, з увядзеннем новага адміністрацыйнага падзелу, губерні і паветы былі ліквідаваны. Быў утвораны Навазыбкаўскі раён, які першапачаткова ўвайшоў у Клінцоўскую акругу Заходняй вобласці з цэнтрам у г. Смаленску. У 1937—1944 гадах раён уваходзіў у Арлоўскую вобласць.
У 1939 годзе быў утвораны Злынкаўскі раён з часткi Навазыбкаўскага раёна[2].
5 ліпеня 1944 года Указам Прэзідыума Вярхоўнага Савета СССР была ўтворана Бранская вобласць, у склад якой, нароўні з іншымі, быў уключаны і Злынкаўскі раён. У 1959 годзе раён быў скасаваны, у 1988 годзе — адноўлены.
У канцы 2004 года, у час Аранжавай рэвалюцыі, глава Злынкаўскай раённай адміністрацыі Бранскай вобласці РФ Мікалай Зявака на чарговым пасяджэнні абвясціў збор подпісаў за ўз’яднанне раёна з Украінай, бо адлегласць да Бранска складае больш за 250 км, а да Чарнігава — каля 140 км. Сыграла сваю ролю і разваленая эканоміка раёна. Але спробы апынуліся марнымі.
Дэмаграфія правіць
Насельніцтва раёна складае 13,2 тыс. чалавек (2009), у тым ліку ў гарадскіх умовах пражываюць каля 8,3 тыс.: 5,5 тыс. у райцэнтры і 2,8 тыс. — у пасёлку Вышкаў. Усяго налічваецца 42 населеных пункта.
Адміністрацыйны падзел правіць
У 2005 годзе пасля муніцыпальнай рэформы ў раёне маецца 2 гарадскіх і 4 сельскіх паселішчаў: Гарадскія паселішчы:
Сельскія паселішчы:
Транспарт правіць
Па тэрыторыі раёна праходзіць магістральная чыгуначная лінія Бранск—Гомель. У пасёлку Вышкаў размешчана чыгуначная станцыя Злынка Маскоўскай чыгункі.
У пасёлку Красны Камень Злынкаўскага раёна стыкуюцца расійская аўтадарога федэральнага значэння М13 і беларуская М10.
Цікавыя факты правіць
Да Злынкаўскага раёна адміністрацыйна адносіцца анклаў Санькова-Мядзвежжа, размешчаны ўнутры тэрыторыі Добрушскага раёна Гомельскай вобласці Беларусі.
Зноскі
- ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.
- ↑ Злынковский район Литературная карта Злынковского района. КРАЕВЕДЧЕСКИЙ ИНФОРМАЦИОННО-ПОЗНАВАТЕЛЬНЫЙ ПОРТАЛ БРЯНСКИЙ КРАЙ
Спасылкі правіць
- Неафіцыйны сайт Злынкі
- Гісторыя адміністрацыйных пераўтварэнняў Бранскай вобласці(недаступная спасылка)