Зыгмунт Зыгмунтавіч Скірмунт
Зыгмунт Скірмунт (1863—1926) — землеўласнік.
| Зыгмунт Зыгмунтавіч Скірмунт | |
|---|---|
![Герб «Дуб»[d]](/wiki/%D0%A4%D0%B0%D0%B9%D0%BB:POL_COA_D%C4%85b.svg) Герб «Дуб»[d] | |
| Нараджэнне |
1863 |
| Смерць |
1926
|
| Род | Скірмунты |
| Бацька | Зыгмунт Скірмунт[d] |
| Маці | Яўгенія з Савіцкіх[d] |
| Жонка | Марыя з Жалтоўскіх[d] |
| Дзеці | Ірэна са Скірмунтаў[d] |
Біяграфія
правіцьПаходзіў са шляхецкага роду Скірмунтаў герба «Дуб». Нарадзіўся ў Жэневе ў сям’і Зыгмунта Скірмунта (1839—1863), доктара філасофіі Гайдэльбергскага ўніверсітэта, і Яўгеніі з Савіцкіх. Бацька памёр у тым жа годзе ў Жэневе. Маці разам са сваім другім мужам Лявонам Сулістроўскім апынулася ў ссылцы за ўдзел у паўстанні 1863—1864 гг.[1]
Зыгмунт рос у Пінску пад апекай дзядзькі Генрыха з Моладава. У 1873 г. ад дзеда Аляксандра Скірмунта да непаўналетняга Зыгмунта перайшла сядзіба ў Альбрэхтаве[1].
У час рэвалюцыйных падзей 1905 года, у пачатку лістапада сяляне в. Пінкавічы Пінскага павета запатрабавалі ад гаспадара маёнтка Альбрэхтова Зыгмунта Скірмунта перадаць ім у поўнае карыстанне азёры і балоты з правам рыбнай лоўлі, збору камыша ды інш., а таксама саступіць выган для ската (77 га), якім карысталіся на правах сервітута. Сяляне былі ўпэўнены, што памешчык незаконна валодае дзвюма азёрамі і выганам, бо ўсё гэта калісьці было сялянскім. Вядома, што ў гэтых хваляваннях удзельнічаў настаўнік Канстанцін Міцкевіч (Якуб Колас) (1882—1956). Менавіта ён угаварыў сялян не ісці ўсёй вёскай да памешчыка, а паслаць прадстаўнікоў. Тыя вярнуліся ні з чым, бо Скірмунт нават не стаў іх слухаць. Пасля гэтага Канстанцін Міцкевіч склаў петыцыю, якую падпісалі 69 чалавек. Яе аднеслі ў Альбрэхтова. Не дачакаўшыся адказу, сяляне пачалі самавольна лавіць рыбу. У выніку паліцыя арыштавала двух сялянскіх «агітатараў», а настаўніка кіраўніцтва школ народнай асветы перавяло на працу ў Ігуменскі павет[2].
Сям’я
правіцьУ 1888 г. ажаніўся з Марыяй Жалтоўскай, сястрой знакамітага архітэктара Івана Жалтоўскага[1]. Меў дзяцей:
- Ірэна (1896-?), у шлюбе з Антоніем Сакальніцкім (1900—1946). Іхны сын Юльюш Сакальніцкі (1925—2009), польскі палітык у эміграцыі.
- Багдан (1898—1940), апошні уладальнік Альбрэхтава[1].
- Марыя (?1900 — ?)
- Рэгіна (?1900 — ?), у шлюбе з Леанам Граноўскім (?1890 — ?).
У культуры
правіцьЗыгмунт Скірмунт паслужыў правобразам пана Скірмунта — персанажа трылогіі Якуба Коласа «На ростанях». Гэта яму быў адрасаваны ліст пінкавіцкіх сялян, складзены настаўнікам Лабановічам (Канстанцінам Міцкевічам)[1].
Зноскі
- ↑ а б в г д Пінск — сэрца Палескага краю = Пинск ― сердце Полесского края = Pinsk ― the heart of Polessye : [фотаальбом] / Т. А. Хвагіна; [спецыяльная фотаздымка Я. У. Таламая; мастак У. П. Свентахоўскі].. — Мінск: Вышэйшая школа, 2014. — 175 с. — 1 200 экз. — ISBN 978-985-06-2474-1.
- ↑ Смалянчук, А. Раман Скірмунт (1868–1939): жыццяпіс грамадзяніна Краю / Смалянчук Аляксандр Фёдаравіч. — Мінск: Выдавец Зміцер Колас, 2018. — С. 141-142. — 700 с. — ISBN 978-985-23-0016-2.
Літаратура
правіць- Смалянчук, А. Раман Скірмунт (1868–1939): жыццяпіс грамадзяніна Краю / Смалянчук Аляксандр Фёдаравіч. — Мінск: Выдавец Зміцер Колас, 2018. — С. 141-142. — 700 с. — ISBN 978-985-23-0016-2.