Адкрыць галоўнае меню

Калійныя солі

Сільвініт

КАЛІ́ЙНЫЯ СО́ЛІ, асадкавыя горныя пароды, складзеныя з лёгкарастваральных каліевых і каліева-магніевых мінералаў: сільвіну, карналіту, палігаліту і інш. Карысны выкапень. Пашыраны ў асадкавай абалонцы Зямлі, залягаюць пластамі, лінзамі, купаламі, гнёздамі. Колькасць аксіду калію К2О у прамысловых пакладах 12-30%.

Найбольшыя запасы калійных солей маюць Канада, Германія, Расія, ЗША.

На Беларусі паклады калійных солей сканцэнтраваны ў паўночнай частцы Прыпяцкага прагіну: Старобінскае радовішча ў Мінскай вобласці і Петрыкаўскае радовішча ў Гомельскай вобласці. Агульныя запасы калійных солей ацэньваюцца ў 6,5 млрд. тон. Старобінскае радовішча распрацоўваецца вытворчым аб'яднаннем "Беларуськалій".

Калійная соль - асноўная сыравіна, з якой атрымліваюць калійныя ўгнаенні, металічны калій і яго злучэнні. На Беларусі вытворчасць калійных угнаенняў вядзецца ў горадзе Салігорск.

СпасылкіПравіць