Канстанцін фон Ноц
Канстанцін фон Ноц (ням.: Konstantin von Notz, нар. 21 студзеня 1971, Мёльн, Шлезвіг-Гольштэйн, ФРГ) — нямецкі юрыст і палітык. Дэпутат Бундэстагу з 2009 года ад партыі «Саюз 90/Зялёныя».
| Канстанцін фон Ноц | |||||||
|---|---|---|---|---|---|---|---|
| ням.: Konstantin von Notz | |||||||
 | |||||||
|
|||||||
|
|||||||
|
|||||||
|
|||||||
| Нараджэнне |
21 студзеня 1971[1][2] (53 гады) |
||||||
| Бацька | Friedhelm von Notz[d] | ||||||
| Партыя | |||||||
| Член у | |||||||
| Адукацыя | |||||||
| Дзейнасць | палітык, адвакат | ||||||
| Сайт | von-notz.de (ням.) | ||||||
 Медыяфайлы на Вікісховішчы | |||||||
Ранняе жыццё і адукацыя правіць
Адзін з двух сыноў нямецкага юрыста Фрыдхельма фон Ноца, Канстанцін вырас у Гамбургу і Франкфурце-на-Майне. Ён вывучаў права ў Гейдэльбергскім універсітэце з 1993 па 1998 год.
Палітычная кар’ера правіць
Фон Ноц стаў дэпутатам Бундэстагу па выніках парламенцкіх выбараў у Германіі 2009 года. У свой першы заканадаўчы тэрмін з 2009 па 2013 год працаваў у Камітэце ўнутраных спраў і быў прэс-сакратаром сваёй парламенцкай групы па ўнутраных справах і лічбавай палітыцы.
Пасля парламенцкіх выбараў у Германіі 2013 года быў прызначаны віцэ-старшынёй сваёй парламенцкай групы пад кіраўніцтвам сустаршыняў Катрын Гёрынг-Экарт і Антона Хофрайтэра. У гэтай якасці выконваў функцыі каардынатара заканадаўчых ініцыятыў групы па ўнутраных і прававых пытаннях, а таксама прэс-сакратара па лічбавай палітыцы. Ён таксама ўзначальваў парламенцкую групу партыі «Саюз 90/Зялёныя» ў парламенцкім камітэце, які расследуе шпіёнскі скандал з АНБ, і камітэце па лічбавым парадку дня[4].
З 2018 года з’яўляецца членам Парламенцкага кантрольнага органа, які ажыццяўляе нагляд за спецслужбамі Германіі: Федэральнай разведвальнай службай, Федэральнай службай абароны канстытуцыі Германіі і Службай ваеннай контрвыведкі. Ён таксама далучыўся да Камітэта па выбарах суддзяў, які адказвае за прызначэнне Федэральнага канстытуцыйнага суду Германіі.
У дадатак да даручэнняў камітэтаў фон Ноц з 2009 года займае пасаду намесніка старшыні парламенцкай групы дружбы па сувязях з краінамі Балтыі.
Пад эгідай праграмы хроснага бацькоўства над актывістамі за правы чалавека фон Ноц з 2013 года павышае дасведчанасць аб працы кубінскага дысідэнта Антоніа Радзілеса[5]. 16 чэрвеня 2021 года ўзяў шэфства над Леанідам Судаленкам, беларускім праваабаронцам і палітычным зняволеным[6].
Іншыя віды дзейнасці правіць
- Член Стратэгічнай кансультацыйнай рады фонду «Stiftung Datenschutz»[7]
- Член Асамблеі сябраў Фонду Генрыха Бёля (з 2009 года)
- Член апякунскага савета недзяржаўнай арганізацыі «Liquid Democracy» (з 2009 года)
- Член апякунскага савета Фонду Ота фон Бісмарка[8]
- Член міжнароднай недзяржаўнай арганізацыі «Transparency International»
- Член Кансультатыўнага савета па канфідэнцыяльнасці даных «Deutsche Telekom» (2009—2013 гады)
- Старшыня Кансультатыўнага савета Форуму грамадскай бяспекі будучыні (2009—2013 гады)
Зноскі
- ↑ Stammdaten aller Abgeordneten des Deutschen Bundestages Праверана 13 красавіка 2018.
- ↑ Konstantin von Notz // Munzinger Personen Праверана 9 кастрычніка 2017.
- ↑ Deutsche Nationalbibliothek Агульны нарматыўны кантроль — 2012—2016. Праверана 21 снежня 2014.
- ↑ Dr. Konstantin von Notz, Bündnis 90/Die Grünen, Бундэстаг, (ням.)
- ↑ Einsatz für einen inhaftierten kubanischen Blogger Бундэстаг, August 13, 2013.
- ↑ Members of the German Bundestag and the European Parliament sponsor Eduard Kudyniuk, Leanid Sudalenka and Volha Klimkova (англ.). Libereco — Partnership for Human Rights (15 чэрвеня 2021). Архівавана з першакрыніцы 23 верасня 2021. Праверана 23 верасня 2021.
- ↑ Advisory Board Stiftung Datenschutz.
- ↑ Board of Trustees. Архівавана з першакрыніцы 4 жніўня 2018.
Спасылкі правіць
- von-notz.de — афіцыйны сайт
- Старонка Канстанціна фон Ноца на сайце Бундэстагу