Капацэвіцкі сельсавет
Капацэ́віцкі сельсавет — адміністрацыйна-тэрытарыяльная адзінка ў складзе Салігорскага раёна Мінскай вобласці. Цэнтр — аграгарадок (да 2008 г. — вёска) Новапалескі (да 1980 г. — вёска Капацэвічы[1]).
| Капацэвіцкі сельсавет | |
|---|---|
| Краіна |
 Беларусь |
| Уваходзіць у | Салігорскі раён |
| Уключае | 8 населеных пунктаў |
| Адміністрацыйны цэнтр | Новапалескі |
| Дата ўтварэння | 20 жніўня 1924 |
| Насельніцтва (2019) | 2 795 |
| Часавы пояс | UTC+03:00 |
| Код аўтам. нумароў | 5 |
Створаны 20 жніўня 1924 года ў складзе Старобінскага раёна Слуцкай акругі БССР. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Старобінскім раёне БССР. З 1935 года ў Старобінскім раёне Слуцкай акругі. Пасля ўвядзення абласнога падзелу 20 лютага 1938 года ў Старобінскім раёне Мінскай вобласці. З 20 верасня 1944 года па 8 студзеня 1954 года ў складзе Бабруйскай вобласці. З 25 снежня 1962 года — у складзе Любанскага раёна, з 6 студзеня 1965 года — у Салігорскім раёне. У 1970-х гадах на тэрыторыі сельсавета ўзнік пасёлак, які 25 сакавіка 1975 года атрымаў назву Новапалескі[2]. У 1980 годзе цэнтр сельсавета перанесены ў пасёлак Новапалескі. 28 чэрвеня 2013 года да сельсавета далучана тэрыторыя скасаванага Гаўрыльчыцкага сельсавета з вёскамі Вейна, Гаўрыльчыцы, Дубіца, Пясчанка, Цясна[3].
Насельніцтва сельсавета паводле перапісу 2009 года (3 населеныя пункты) — 1901 чалавек[4], з іх 93,9 % — беларусы, 4,1 % — рускія, 1,2 % — украінцы[5]; паводле перапісу 2019 года (8 населеных пунктаў) — 2795 чалавек[6].
Зноскі
- ↑ Рашэнні выканкома Мінскага абласнога Савета народных дэпутатаў ад 28 ліпеня і 22 верасня 1980 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1980, № 31 (1657).
- ↑ Указ Прэзідыума Вярхоўнага Савета Беларускай ССР ад 25 сакавіка 1975 г. № 841-VIII Аб найменаванні населенага пункта, які ўзнік на тэрыторыі Капацэвіцкага сельсавета Салігорскага раёна Мінскай вобласці // Зборнік законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 10 (1456).
- ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 19 верасня 2020.
- ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Мінскай вобласці Беларусі паводле перапісу 2019 года
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.