Каралеўскі палац у Казерце
Каралеўскі палац у Казерце (італ.: Reggia di Caserta) — грандыёзны загарадны палац неапалітанскіх каралёў у Кампаніі.
Славутасць | |
Каралеўскі палац у Казерце | |
---|---|
італ.: Reggia di Caserta | |
![]() | |
41°04′12″ пн. ш. 14°19′33″ у. д.HGЯO | |
Краіна | |
Месцазнаходжанне | |
Архітэктурны стыль | архітэктура барока[d] |
Архітэктар | Луіджы Ванвітэлі[3] |
Дата заснавання | 20 студзеня 1752[4] |
Сайт | reggiadicaserta.cultura.gov.it |
![]() |
![](http://upload.wikimedia.org/wikipedia/commons/thumb/7/7d/CasertaReale.jpg/300px-CasertaReale.jpg)
Мяркуючы па колькасці пакояў (1200), палац — самы вялікі будынак, збудаваны ў Еўропе ў XVIII стагоддзі[5]. Неабходнасць будаўніцтва загараднага палаца была абумоўлена не толькі разуменнямі міжнароднага прэстыжу, але і тым, што асноўная каралеўская рэзідэнцыя ў Неапалі была адкрыта для нападаў з боку мора. Будаваўся палац у Казерце па праекце галандца Луіджы Ванвітэлі, які ўзяў за ўзор не столькі Версаль, колькі каралеўскі палац у Мадрыдзе, дзе правёў дзіцячыя гады тагачасны кароль.
Узвядзенне палаца працягвалася з 1752 па 1780 год, пры гэтым быў цалкам зменены ландшафт, а горад Казерта перанесены на 10 км. Квадратнае ў плане збудаванне ўвабрала ў сябе палацавую царкву і прыдворны тэатр, аднак ванвітэліевы планы будаўніцтва ўніверсітэта і бібліятэкі так і не былі ўвасоблены. Не быў ажыццёўлены і яго праект 20-кіламетровай пад'язной алеі. Вакол палаца разбіты самы шырокі з рэгулярных паркаў Італіі з украпваннямі парку пейзажнага; сярод яго славутасцяў — шматлікія фантаны, каласальны акведук і шоўкапрадзільнаямануфактура з хаткамі для рабочых, замаскіраванымі пад садовыя павільёны.
Да моманту завяршэння будаўніцтва мода на перайманне Версалю была ў мінулым. Гісторыкі архітэктуры не раз вінавацілі стваральнікаў Казерцкага палаца ў вар'яцкай марнатраўнасці і гігантаманіі, плёнам якіх была манатоннасць аднастайных перспектыў. Тым не менш, у 1997 годзе ЮНЕСКА абвясціла палацава-паркавы ансамбль у Казерце помнікам Сусветнай спадчыны чалавецтва.
У палацы праходзілі здымкі шматлікіх італьянскіх і галівудскіх фільмаў (у прыватнасці, дзвюх прыквелаў «Зорных войнаў», блокбастараў «Місія невыканальная», «Код да Вінчы», «Анёлы і дэманы»).
Зноскі
- ↑ Indagine sui musei e le istituzioni similari — 2024.
- ↑ Indagine sui musei e le istituzioni similari — 2022.
- ↑ The Bourbons of Naples — London: Faber & Faber, 2009. — P. 79. — ISBN 978-0-571-24901-5
- ↑ The Bourbons of Naples — London: Faber & Faber, 2009. — P. 80. — ISBN 978-0-571-24901-5
- ↑ Architecture, Poetry, and Number in the Royal Palace at Caserta(недаступная спасылка) (англ.)
Спасылкі
правіцьСусветная спадчына ЮНЕСКА, аб’ект № 549 рус. • англ. • фр. |
- На Вікісховішчы ёсць медыяфайлы па тэме Каралеўскі палац у Казерце
- Афіцыйны сайт (італ.) Архівавана 13 чэрвеня 2011.