Карастышыў

Карастышаў
Герб[d]	Сцяг
Краіна	Украіна
Вобласць	Жытомірская вобласць
Раён	Жытомірскі раён
Гарадская грамада	Карастышыўская
Каардынаты	50°19′07″ пн. ш. 29°03′33″ у. д.HGЯO
Плошча	83,16 км²
Вышыня цэнтра	180 м
Насельніцтва	25 735 чалавек
Часавы пояс	UTC+2, летам UTC+3
Тэлефонны код	4130
Паштовы індэкс	12500-12505
Аўтамабільны код	AM / 06
КААТУУ	1822510100
Афіцыйны сайт	korvesti.info
	Медыяфайлы на Вікісховішчы

Карастышаў^[1], ці Карастышыў^[2] (укр.: Коростишів) — горад у Жытомірскім раёне Жытомірскай вобласці Украіны^[3], адміністрацыйны цэнтр Карастышыўскай гарадской грамады.

Горад размешчаны на рацэ Цецераў, за 28 км ад Жытоміра.

Гісторыя правіць

Першы пісьмовы ўспамін пра горад адносіцца да 1499 года, калі вялікі князь літоўскі Аляксандр падарыў паселішча баярыну Кміту Аляксандравічу. З 1565 года Карастышаў пераходзіць ва ўласнасць сям'і Алізараў і становіцца цэнтрам іх зямельных уладанняў. У пачатку XVII стагоддзя ў горадзе будуюцца замак і касцёл. У 1634 годзе пракладзены драўляны мост цераз Цецераў.

У 1779 годзе Карастышаў атрымаў Магдэбургскае права і дазвол на правядзенне 7 кірмашоў на год. У 1793 годзе Карастышаўскія землі ўвайшлі ў склад Расійскай імперыі.

З 1866 года Карастышаў — валасны цэнтр Радамыслеўскага павета Кіеўскай губерні.

У другой палове XIX стагоддзя тут пачалі працаваць папяровая і запалкавая фабрыкі, вінакураны завод, бровар і гута. Пабудаваны каменны мост цераз Цецераў.

У 1873 годзе з Кіева ў Карастышаў пераведзена адна з першых ва Украіне настаўніцкіх семінарый.

1883 год — заснавана метэаралагічная станцыя^[4].

Вакзал чыгуначнай станцыі Карастышаў

Эканоміка правіць

Карастышаў — адзін з самых вядомых на тэрыторыі Украіны і за яе межамі цэнтраў граніта-здабыўной і апрацоўчай прамысловасці. Раней у горадзе і яго ваколіцах здабывалі граніт, асноўны колер якога абумоўлены колерам палявога шпату — шэрага. Тут сустракаюцца лабрадарыт, габра, шэры граніт. Цяпер карыстаюцца галоўным чынам прывазной сыравінай з Жытомірскага, Малынскага, Карасценскага і іншых раёнаў Жытомірскай вобласці, а таксама Кіраваградскай, Мікалаеўскай, Днепрапятроўскай абласцей. У горадзе працуе некалькі соцень прыватных прадпрыемстваў па апрацоўцы граніту, вырабы якіх вядомыя па ўсёй Украіне.

Культура і адукацыя правіць

У наш час у Карастышаве працуюць 6 школ, сярод якіх адна школа-інтэрнат, Карастышаўскі педагагічны каледж імя І. Я. Франко, Карастышаўскі аграрны ліцэй.

Вядомыя асобы правіць

Антон Нябаба

Зноскі правіць

↑ Жытомірская вобласць // Беларуская энцыклапедыя. Т. 6. С. 474.
↑ Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
↑ Большая советская энциклопедия. Гл. ред. Б. А. Введенский, 2-е изд. Т. 23. Корзинка — Кукунор. 1953. 636 стр., илл.; 55 л. илл. и карт.
↑ Гістарычны нарыс

Спасылкі правіць

На Вікісховішчы ёсць медыяфайлы па тэме Карастышыў

[1] Жытомірская вобласць // Беларуская энцыклапедыя. Т. 6. С. 474.

[2] Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»

[bse2-23-3] Большая советская энциклопедия. Гл. ред. Б. А. Введенский, 2-е изд. Т. 23. Корзинка — Кукунор. 1953. 636 стр., илл.; 55 л. илл. и карт.

[4] Гістарычны нарыс

[1]

[2]

[3]

[4]